മേടം: കാര്യങ്ങളിൽ പ്രതീക്ഷിച്ച വിജയം ലഭിക്കാതെ വരാനും മനഃപ്രയാസം അനുഭവപ്പെടാനും സാധ്യത. സ്വസ്ഥതക്കുറവും അഭിപ്രായവ്യത്യാസങ്ങളും ഉണ്ടാകാം. യാത്രകൾക്ക് തടസ്സം നേരിടാനും വേണ്ടപ്പെട്ടവർ അകലാനും സാധ്യതയുണ്ട്.
ഇടവം: ഇടവം രാശിക്കാർക്ക് അനുകൂല ദിവസമാണ്. കാര്യവിജയം, മത്സരവിജയം, അംഗീകാരം, യാത്രാവിജയം, സ്ഥാനലാഭം എന്നിവയ്ക്ക് സാധ്യത. നിലവിലുള്ള തടസ്സങ്ങൾ മാറിക്കിട്ടാനും സാധ്യതയുണ്ട്.
മിഥുനം: കാര്യതടസ്സങ്ങളും ഇച്ഛാഭംഗവും മനഃപ്രയാസവും അനുഭവപ്പെടാം. അപകടഭീതിക്ക് സാധ്യതയുള്ളതിനാൽ ഇരുചക്രവാഹന യാത്രകളിൽ പ്രത്യേകം ജാഗ്രത പുലർത്തണം.
കർക്കടകം: കാര്യവിജയത്തിനും മത്സരവിജയത്തിനും സാധ്യത. അംഗീകാരവും യാത്രാവിജയവും ദ്രവ്യലാഭവും ഉണ്ടാകാം. ഇഷ്ടഭക്ഷണസമൃദ്ധിയും ലഭിക്കും. കിട്ടാനുള്ള പണം തിരികെ ലഭിക്കാനുള്ള സാധ്യതയുണ്ട്.
ചിങ്ങം: കാര്യങ്ങളിൽ പരാജയവും കലഹസാഹചര്യങ്ങളും ഉണ്ടാകാം. ഇച്ഛാഭംഗം, സ്വസ്ഥതക്കുറവ്, അലച്ചിൽ, അധികചെലവ്, ധനതടസ്സം എന്നിവയ്ക്ക് സാധ്യത. വായ്പ ലഭിക്കാനുള്ള ശ്രമങ്ങൾ പരാജയപ്പെടാനും സാധ്യതയുണ്ട്.
കന്നി: കന്നി രാശിക്കാർക്ക് നേട്ടങ്ങളും കാര്യവിജയവും പ്രതീക്ഷിക്കാം. അംഗീകാരം, ആരോഗ്യഗുണം, ധനയോഗം എന്നിവയ്ക്കൊപ്പം ബന്ധുക്കളുമായി ഒത്തുകൂടാനും അവസരം ലഭിച്ചേക്കാം.
തുലാം: കാര്യവിജയം, അംഗീകാരം, മത്സരവിജയം എന്നിവയ്ക്ക് സാധ്യതയുള്ള ദിവസം. ഉത്സാഹത്തോടെ പ്രവർത്തിക്കാൻ കഴിയും. പ്രവർത്തനരംഗത്ത് വിജയം നേടാനും പുതിയ സാധ്യതകൾ തുറന്നുകിട്ടാനും സാധ്യതയുണ്ട്.
വൃശ്ചികം: കാര്യപരാജയത്തിനും ധനതടസ്സത്തിനും സാധ്യത. ശരീരസുഖക്കുറവും സ്വസ്ഥതക്കുറവും പ്രവർത്തനമാന്ദ്യവും അനുഭവപ്പെടാം. എങ്കിലും ചില കാര്യങ്ങൾ ഭാഗികമായി അനുകൂലമായി മാറിയേക്കാം.
ധനു: കാര്യതടസ്സം, മനഃപ്രയാസം, നഷ്ടം, ഇച്ഛാഭംഗം തുടങ്ങിയവയ്ക്ക് സാധ്യത. അപകടഭീതിയും ശരീരക്ഷതത്തിനുള്ള സാധ്യതയും ഉള്ളതിനാൽ ഇരുചക്രവാഹന യാത്രകളിൽ പ്രത്യേക ശ്രദ്ധ വേണം. ശത്രുശല്യവും ഉണ്ടാകാം.
മകരം: മകരം രാശിക്കാർക്ക് നേട്ടങ്ങളും കാര്യവിജയവും പ്രതീക്ഷിക്കാം. അംഗീകാരം, ആരോഗ്യഗുണം, സൽക്കാരയോഗം, സുഹൃദ്സമാഗമം എന്നിവയ്ക്ക് സാധ്യത. ഉല്ലാസയാത്രകൾക്കും അവസരമുണ്ടാകാം.
കുംഭം: കാര്യവിജയത്തിനും മത്സരവിജയത്തിനും സാധ്യത. അംഗീകാരം ലഭിക്കാം. ശത്രുക്ഷയത്തിനും ബിസിനസിൽ ലാഭത്തിനും സാധ്യതയുണ്ട്. പുതിയ അവസരങ്ങൾ മുന്നിലെത്താനും സാധ്യത.
മീനം: കാര്യതടസ്സം, ഇച്ഛാഭംഗം, മനഃപ്രയാസം എന്നിവ അനുഭവപ്പെടാം. സ്വസ്ഥതക്കുറവും അഭിപ്രായവ്യത്യാസങ്ങളും യാത്രാപരാജയവും ഉണ്ടാകാൻ സാധ്യത. അപ്രതീക്ഷിത തടസ്സങ്ങൾ വന്നുചേരാം.
