മേടക്കൂറ് (അശ്വതി, ഭരണി, കാർത്തിക ആദ്യഭാഗം): കാര്യങ്ങൾ വിചാരിച്ച രീതിയിൽ മുന്നോട്ടുപോകണമെന്നില്ല. മാനസിക സമ്മർദവും നിരാശയും ഉണ്ടാകാം. ചെറിയ കാര്യങ്ങൾ പോലും തർക്കങ്ങളിലേക്ക് നയിക്കാൻ സാധ്യതയുണ്ട്. അടുത്ത ബന്ധത്തിലുള്ളവരുമായി അകൽച്ചയുണ്ടാകാതെ ശ്രദ്ധിക്കണം.
ഇടവക്കൂറ് (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): പ്രവർത്തനങ്ങളിൽ നേട്ടം കൈവരിക്കാൻ സാധിക്കുന്ന സമയമാണ്. മത്സരങ്ങളിൽ വിജയവും സമൂഹത്തിൽ അംഗീകാരവും ലഭിക്കാം. ആരോഗ്യകാര്യങ്ങളിലും അനുകൂല മാറ്റങ്ങളുണ്ടാകും. മനസ്സിൽ ആഗ്രഹിച്ച കാര്യങ്ങൾ യാഥാർഥ്യമാകാൻ സാധ്യതയുണ്ട്.
മിഥുനക്കൂറ് (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): പല കാര്യങ്ങളിലും പ്രതീക്ഷിച്ച ഫലം ലഭിക്കാതെ വരാം. മനസ്സിന് അസ്വസ്ഥതയുണ്ടാക്കുന്ന സംഭവങ്ങൾ ഉണ്ടായേക്കാം. പ്രവർത്തനങ്ങളിൽ തടസ്സങ്ങൾ നേരിടാനും ആഗ്രഹിച്ച കാര്യങ്ങൾ നീണ്ടുപോകാനും സാധ്യതയുള്ളതിനാൽ ക്ഷമയോടെ മുന്നോട്ടുപോകുക.
കർക്കടകക്കൂറ് (പുണർതം അവസാന കാൽഭാഗം, പൂയം, ആയില്യം): നേട്ടങ്ങൾ തേടിയെത്തുന്ന ദിവസമാണ്. ചെയ്യുന്ന കാര്യങ്ങൾക്ക് അംഗീകാരം ലഭിക്കുകയും എതിരാളികളുടെ ശല്യം കുറയുകയും ചെയ്യും. ഇഷ്ടപ്പെട്ട ഭക്ഷണങ്ങൾ ലഭിക്കാനും പ്രിയപ്പെട്ടവരോടൊപ്പം സമയം ചെലവഴിക്കാനും അവസരമുണ്ടാകും.
ചിങ്ങക്കൂറ് (മകം, പൂരം, ഉത്രം ആദ്യ കാൽഭാഗം): കാര്യങ്ങൾ പൂർത്തിയാക്കുന്നതിൽ പ്രതിബന്ധങ്ങൾ ഉണ്ടായേക്കാം. ശത്രുക്കളുടെ ഇടപെടലും മാനസിക വിഷമവും അനുഭവപ്പെടാം. ശരീരത്തിന് പരുക്കേൽക്കാനുള്ള സാഹചര്യമുള്ളതിനാൽ യാത്രകളിലും ദൈനംദിന പ്രവർത്തനങ്ങളിലും പ്രത്യേകം ശ്രദ്ധിക്കണം.
കന്നിക്കൂറ് (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): വിജയസാധ്യതകൾ നിറഞ്ഞ ദിവസമാണ്. മത്സരങ്ങളിലും പരീക്ഷകളിലും നേട്ടം സ്വന്തമാക്കാം. യാത്രകൾ ലക്ഷ്യത്തിലെത്തുകയും പ്രധാനപ്പെട്ട കൂടിക്കാഴ്ചകൾ വിജയകരമാകുകയും ചെയ്യും.
തുലാക്കൂറ് (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): അംഗീകാരവും വിജയവും ലഭിക്കാൻ സാധ്യതയുണ്ട്. ആരോഗ്യനില മെച്ചപ്പെട്ടിരിക്കും. പരീക്ഷകളിൽ മികച്ച ഫലം പ്രതീക്ഷിക്കാം. ഉപരിപഠനത്തിനും പുതിയ കോഴ്സുകളിലേക്കുള്ള പ്രവേശനത്തിനും നടത്തുന്ന ശ്രമങ്ങൾ അനുകൂലമായേക്കും.
വൃശ്ചികക്കൂറ് (വിശാഖം അവസാന കാൽഭാഗം, അനിഴം, തൃക്കേട്ട): പ്രതീക്ഷിച്ച കാര്യങ്ങൾ നടക്കാത്തത് നിരാശയ്ക്കിടയാക്കും. ശത്രുശല്യവും മാനസിക പ്രയാസവും ഉണ്ടാകാം. ശരീരത്തിന് പരുക്കേൽക്കാനുള്ള സാധ്യതയുള്ളതിനാൽ ശ്രദ്ധിക്കണം. വേണ്ടപ്പെട്ടവരുമായി അകൽച്ചയുണ്ടാകാനും ഇടയുണ്ട്.
ധനുക്കൂറ് (മൂലം, പൂരാടം, ഉത്രാടം ആദ്യ കാൽഭാഗം): സാമ്പത്തിക കാര്യങ്ങളിൽ പ്രതിസന്ധികൾ അനുഭവപ്പെട്ടേക്കാം. കലഹങ്ങളും യാത്രകളിലെ തടസ്സങ്ങളും മനഃപ്രയാസത്തിന് കാരണമാകും. വായ്പ ലഭിക്കാനുള്ള ശ്രമങ്ങൾ പരാജയപ്പെടാൻ സാധ്യതയുള്ളതിനാൽ പണവുമായി ബന്ധപ്പെട്ട കാര്യങ്ങളിൽ കരുതൽ വേണം.
മകരക്കൂറ് (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): പ്രവർത്തനരംഗത്ത് അനുകൂലമായ മാറ്റങ്ങളുണ്ടാകും. പരീക്ഷകളിലും മത്സരങ്ങളിലും വിജയം നേടാൻ കഴിയും. എതിരാളികളുടെ ശല്യം കുറയുകയും പ്രവർത്തനങ്ങൾക്ക് അംഗീകാരം ലഭിക്കുകയും ചെയ്യും. പുതിയ കോഴ്സുകളിലേക്കുള്ള പ്രവേശനശ്രമങ്ങൾക്കും ഫലമുണ്ടാകാം.
കുംഭക്കൂറ് (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): ആഗ്രഹിച്ച നേട്ടങ്ങൾ കൈവരിക്കാൻ സാധിക്കുന്ന ദിവസമാണ്. മത്സരങ്ങളിൽ വിജയിക്കുകയും അംഗീകാരം നേടുകയും ചെയ്യും. എതിരാളികളെ മറികടക്കാനുള്ള സാഹചര്യങ്ങൾ അനുകൂലമാകും. മനസ്സിലുള്ള ആഗ്രഹങ്ങൾ പൂർത്തീകരിക്കപ്പെടാം.
മീനക്കൂറ് (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): കാര്യങ്ങളിൽ കാലതാമസവും തടസ്സങ്ങളും നേരിടാം. മനഃപ്രയാസത്തിനൊപ്പം ഉദരസംബന്ധമായ അസ്വസ്ഥതകളും അനുഭവപ്പെട്ടേക്കാം. പ്രവർത്തനങ്ങളിൽ ഉത്സാഹക്കുറവും യാത്രകളിൽ തടസ്സങ്ങളും ഉണ്ടാകാം. പ്രധാനപ്പെട്ട കൂടിക്കാഴ്ചകൾ പ്രതീക്ഷിച്ച ഫലം നൽകണമെന്നില്ല.
