മേടം (അശ്വതി, ഭരണി, കാർത്തിക ആദ്യഭാഗം): പ്രതീക്ഷിച്ച കാര്യങ്ങളിൽ തടസ്സങ്ങൾ നേരിടാൻ സാധ്യത. സാമ്പത്തിക നഷ്ടം, ആഗ്രഹസാഫല്യത്തിൽ വൈകൽ, അഭിമാനത്തിന് ക്ഷതം എന്നിവ അനുഭവപ്പെടാം. ഇരുചക്രവാഹന യാത്രകളിൽ കൂടുതൽ ജാഗ്രത പുലർത്തുക.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): കാര്യങ്ങളിൽ വിജയം കൈവരിക്കാനും മത്സരങ്ങളിൽ മുന്നേറാനും അവസരമുണ്ട്. ഇഷ്ടഭക്ഷണവും സൗഹൃദസംഗമങ്ങളും സന്തോഷം പകരും. വിനോദയാത്രകൾക്ക് സാധ്യത കാണുന്നു.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): കാര്യങ്ങൾ പ്രതീക്ഷിച്ച വേഗത്തിൽ പുരോഗമിക്കാതിരിക്കാൻ സാധ്യത. ധനകാര്യ ഇടപാടുകളിൽ തടസ്സങ്ങൾ ഉണ്ടാകാം. വായ്പ സംബന്ധമായ ശ്രമങ്ങൾ അനുകൂലമാകാതിരിക്കാൻ സാധ്യതയുണ്ട്.
കർക്കടകം (പുണർതം അവസാന കാൽഭാഗം, പൂയം, ആയില്യം): വിദ്യാഭ്യാസ-തൊഴിൽ മേഖലകളിൽ നേട്ടങ്ങൾ പ്രതീക്ഷിക്കാം. പരീക്ഷകളിലും മത്സരങ്ങളിലും വിജയസാധ്യത. പുതിയ പഠന കോഴ്സുകളിലേക്കുള്ള പ്രവേശന ശ്രമങ്ങൾ ഫലപ്രദമാകും.
ചിങ്ങം (മകം, പൂരം, ഉത്രം ആദ്യ കാൽഭാഗം): തൊഴിൽ രംഗത്ത് അംഗീകാരവും പുരോഗതിയും ലഭിക്കാം. സ്ഥാനക്കയറ്റത്തിനും സാമ്പത്തിക നേട്ടങ്ങൾക്കും സാധ്യത. തൊഴിൽ തേടുന്നവർക്ക് അനുകൂലമായ വാർത്തകൾ ലഭിച്ചേക്കാം.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): മാനസിക സമ്മർദ്ദവും ആരോഗ്യപരമായ ചെറിയ അസ്വസ്ഥതകളും അനുഭവപ്പെടാം. ഉദരസംബന്ധമായ ബുദ്ധിമുട്ടുകൾ ശ്രദ്ധിക്കണം. ചില കാര്യങ്ങളിൽ ഭാഗിക വിജയം ലഭിക്കും.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): പദ്ധതികളിൽ തടസ്സങ്ങളും നിരാശയും ഉണ്ടാകാൻ സാധ്യത. ശത്രുക്കളുടെ ഇടപെടലുകൾ മാനസിക പ്രയാസങ്ങൾക്ക് ഇടയാക്കാം. അടുത്തവരിൽ നിന്ന് അകൽച്ച അനുഭവപ്പെടാം.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): കാര്യങ്ങളിൽ വിജയം, അംഗീകാരം, സാമ്പത്തിക നേട്ടം എന്നിവ ലഭിക്കാം. കുടിശ്ശികയായി കിടന്നിരുന്ന പണം തിരിച്ചുകിട്ടാൻ സാധ്യതയുണ്ട്. ശത്രുശല്യം കുറയും.
ധനു (മൂലം, പൂരാടം, ഉത്രാടം ആദ്യ കാൽഭാഗം): ആരോഗ്യവും ആത്മവിശ്വാസവും വർധിക്കുന്ന ദിനം. പ്രധാന കൂടിക്കാഴ്ചകളും ചർച്ചകളും വിജയകരമാകും. സമ്മാനങ്ങളോ അംഗീകാരങ്ങളോ ലഭിക്കാൻ സാധ്യതയുണ്ട്.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): കാര്യങ്ങളിൽ കാലതാമസവും മനഃപ്രയാസവും നേരിടേണ്ടിവരും. അഭിപ്രായവ്യത്യാസങ്ങളും ചെറിയ കലഹങ്ങളും ഉണ്ടാകാം. യാത്രകളിലും വാഹന ഉപയോഗത്തിലും ജാഗ്രത വേണം.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): ശത്രുശല്യം, അഭിപ്രായഭിന്നത, ആരോഗ്യപ്രശ്നങ്ങൾ എന്നിവ ശ്രദ്ധിക്കേണ്ട ദിനം. ചെറിയ പരിക്കുകൾക്കും അസ്വസ്ഥതകൾക്കും സാധ്യതയുള്ളതിനാൽ കരുതൽ ആവശ്യമാണ്.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): വിജയവും അംഗീകാരവും കൈവരിക്കാൻ അനുകൂലമായ ദിവസം. തൊഴിൽരംഗത്ത് നേട്ടങ്ങളും സ്ഥാനക്കയറ്റത്തിനുള്ള സാധ്യതയും കാണുന്നു. തൊഴിലന്വേഷണങ്ങൾക്ക് മികച്ച ഫലം ലഭിച്ചേക്കാം.
