മേടം (അശ്വതി, ഭരണി, കാർത്തിക ആദ്യഭാഗം): ദിവസത്തിന്റെ ആദ്യഘട്ടത്തിൽ കാര്യവിജയവും ആരോഗ്യലാഭവും ശത്രുക്ഷയവും പ്രതീക്ഷിക്കാം. എന്നാൽ രാവിലെ 7 മണിക്കുശേഷം കാര്യതടസ്സം, കലഹസാധ്യത, സാമ്പത്തിക നഷ്ടം, ബിസിനസിൽ തിരിച്ചടി എന്നിവയ്ക്ക് സാധ്യതയുണ്ട്.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): രാവിലെ വരെ കാര്യങ്ങളിൽ തടസ്സങ്ങളും ആരോഗ്യപ്രശ്നങ്ങളും അലട്ടാം. 7 മണിക്കുശേഷം അനുകൂല സാഹചര്യം രൂപപ്പെടും. കാര്യവിജയം, സൽക്കാരയോഗം, ഇഷ്ടഭക്ഷണലാഭം എന്നിവ ലഭിക്കാം.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): ആരംഭത്തിൽ കാര്യവിജയവും മത്സരങ്ങളിൽ നേട്ടവും സന്തോഷകരമായ അനുഭവങ്ങളും ഉണ്ടാകും. പിന്നീട് ധനതടസ്സം, അലച്ചിൽ, ആരോഗ്യപ്രശ്നങ്ങൾ, പ്രവർത്തനങ്ങളിൽ കാലതാമസം എന്നിവ നേരിടേണ്ടി വരാം.
കർക്കടകം (പുണർതം അവസാന കാൽഭാഗം, പൂയം, ആയില്യം): കാര്യവിജയം, സ്ഥാനക്കയറ്റ സാധ്യത, പരീക്ഷകളിൽ നേട്ടം, ബിസിനസിൽ ലാഭം എന്നിവയ്ക്കൊപ്പം പുതിയ അവസരങ്ങൾ തുറന്നുകിട്ടുന്ന ദിനമാണ്.
ചിങ്ങം (മകം, പൂരം, ഉത്രം ആദ്യകാൽഭാഗം): രാവിലെ കാര്യതടസ്സങ്ങളും മാനസിക സമ്മർദവും അനുഭവപ്പെടാം. എന്നാൽ 7 മണിക്കുശേഷം തൊഴിൽരംഗത്ത് നേട്ടവും പ്രവർത്തനവിജയവും പ്രതീക്ഷിക്കാം.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): ദിവസത്തിന്റെ ആദ്യപകുതിയിൽ ആരോഗ്യകാര്യങ്ങളിലും പ്രവർത്തനങ്ങളിലും ജാഗ്രത ആവശ്യമാണ്. പിന്നീട് ഗുണദോഷങ്ങൾ ഇടകലർന്ന അനുഭവങ്ങളായിരിക്കും.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): ആരംഭത്തിൽ കാര്യവിജയം, അംഗീകാരം, ആരോഗ്യനേട്ടം, ഇഷ്ടഭക്ഷണസമൃദ്ധി എന്നിവ ലഭിക്കും. എന്നാൽ പിന്നീട് നഷ്ടസാധ്യത, ശത്രുശല്യം, മനഃപ്രയാസം, അപകടഭീതി എന്നിവയ്ക്ക് സാധ്യതയുണ്ട്.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): കാര്യവിജയം, സുഹൃത്തുക്കളുമായുള്ള കൂടിക്കാഴ്ച, സൽക്കാരയോഗം, സന്തോഷകരമായ യാത്രകൾ എന്നിവയ്ക്കുള്ള സാധ്യതകൾ തെളിയും.
ധനു (മൂലം, പൂരാടം, ഉത്രാടം ആദ്യ കാൽഭാഗം): രാവിലെ വരെ കാര്യപരാജയവും കലഹസാധ്യതയും നേരിടാം. എന്നാൽ 7 മണിക്കുശേഷം മത്സരവിജയം, യാത്രാനേട്ടം, സമ്മാനലാഭം, ആരോഗ്യവർധന എന്നിവ ലഭിക്കാൻ സാധ്യതയുണ്ട്.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): കാര്യങ്ങളിൽ പ്രതീക്ഷിച്ച ഫലം ലഭിക്കാതെ വരാം. കലഹങ്ങളും അപകടസാധ്യതയും ഉള്ളതിനാൽ പ്രത്യേകിച്ച് ഇരുചക്രവാഹന യാത്രകളിൽ ശ്രദ്ധ വേണം.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): രാവിലെ യാത്രകളിലും സാമ്പത്തിക കാര്യങ്ങളിലും നേട്ടം പ്രതീക്ഷിക്കാം. എന്നാൽ പിന്നീട് പ്രവർത്തനമന്ദ്യം, ആരോഗ്യപ്രശ്നങ്ങൾ, യാത്രാതടസ്സം, മാനസിക അസ്വസ്ഥത എന്നിവ ഉണ്ടാകാം.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി); ദിവസത്തിന്റെ ആദ്യഭാഗത്തിൽ ധനതടസ്സവും മനഃപ്രയാസവും അനുഭവപ്പെടാം. എന്നാൽ 7 മണിക്കുശേഷം അംഗീകാരം, സ്ഥാനക്കയറ്റ സാധ്യത, സമ്മാനലാഭം, സൽക്കാരയോഗം എന്നിവ ലഭിക്കുന്ന അനുകൂല സമയം തുടങ്ങും.
