തൃക്കാക്കര അഗ്നി രക്ഷാ നിലയം സിവിൽ ഡിഫൻസ് അംഗങ്ങളുടെ നേതൃത്വത്തിൽ പരിസ്ഥിതി ദിനം ആചരിച്ചു.തൃക്കാക്കര അഗ്നി രക്ഷാ നിലയത്തിൽ സ്റ്റേഷൻ ഓഫീസർ ബി.ബൈജു മാങ്കോസ്റ്റിൻ,റമ്പൂട്ടാൻ തൈകൾ നട്ട് ഉദ്ഘാടനം ചെയ്തു.അസി.സ്റ്റേഷൻ ഓഫീസർമാരായ ലൂക്കോസ് തോമസ്, ടി.വിനുരാജ്, സീനിയർ ഫയർ ഓഫീസർ ഗിരീഷ് കുമാർ,സിവിൽ ഡിഫൻസ് കോർഡിനേറ്റർ എൻ.പി.നിസാം,ഡെപ്യൂട്ടി പോസ്റ്റ് വാർഡൻ പി.എം. മാഹിൻകുട്ടി തുടങ്ങിയവർ സംസാരിച്ചു.
തുടർന്ന് സിവിൽ ഡിഫൻസ് അംഗങ്ങളുടെ നേതൃത്വത്തിൽ കാക്കനാട് ബോസ്റ്റൽ സ്കൂളിലും ഒബ്സർവേഷൻ ഹോമിലും വെൽവെറ്റ് ആപ്പിൾ, പേരക്ക തൈകൾ വിതരണം ചെയ്തു. കാക്കനാട് ബോസ്റ്റൽ സ്കൂളിൽ സൂപ്രണ്ട് ആർ.വി.അജു, വെൽഫയർ ഓഫീസർ ജോർജ് ചാക്കോ, ഒബ്സർവേഷൻ ഹോമിൽ
പ്രിൻസിപ്പൾ മജിസ്ട്രേറ്റ് റോഹിത് നന്ദകുമാർ, സൂപ്രണ്ട് പി.എസ്.സിനി,ജുവനൽ ജസ്റ്റിസ് ബോർഡ് അംഗങ്ങളായ പി.നളിനി,അഡ്വ.കെ.എസ്.ശ്രീജ എന്നിവർ തൈകൾ ഏറ്റുവാങ്ങി.
തൃക്കാക്കര സിവിൽ ഡിഫൻസ് അഗങ്ങളായ നിഷാ ബീവി,ജൻസി അനിൽ,കെ.കെ.ജയൻ, എ.കെ.അനിൽ,നിധിൻ ശാന്തകുമാർ തുടങ്ങിയവർ നേതൃത്വം നൽകി.
Photo Courtesy - Google
