ദോഹ: ഖത്തർവിദേശകാര്യ മന്ത്രിയുംപ്രധാനമന്ത്രിയുമായ ഷെയ്ഖ് മുഹമ്മദ് ബിൻ അബ്ദുൽറഹ്മാൻ ബിൻ ജാസിം അൽ താനിയുടെ രക്ഷാ കർത്തൃത്വത്തിൽ
ആറാമത് ഇസ്ലാമിക് ലേബർ മന്ത്രിസഭാ സമ്മേളനം ആരംഭിച്ചു.
ഒഐസി അംഗരാജ്യങ്ങളുടെ പിന്തുണയോടെ ഖത്തർ അധ്യക്ഷസ്ഥാനത്ത് തിരഞ്ഞെടുക്കപ്പെട്ടതിനെ തുടർന്ന്നടക്കുന്നസമ്മേളനത്തിന് തൊഴിൽ മന്ത്രി ഡോ. അലി ബിൻ സമിഖ് അൽ മറി അധ്യക്ഷത വഹിച്ചു. ഒഐസി രാജ്യങ്ങളിലെ മന്ത്രിമാർ, പ്രതിനിധികൾ, അന്താരാഷ്ട്ര-പ്രാദേശിക സംഘടനകളിലെ പ്രതിനിധികൾ, വിദഗ്ധർ, അക്കാദമിക് വിഭാഗങ്ങൾ, സിവിൽ സൊസൈറ്റി പ്രവർത്തകർ എന്നിവർ പങ്കെടുത്തു.
“ആഗോള സാമ്പത്തിക-സാമൂഹിക സമ്മർദ്ദങ്ങളും, സാങ്കേതിക പരിണാമങ്ങളും, കാലാവസ്ഥാ വെല്ലുവിളികളും, വിതരണ ശൃംഖലാ പ്രതിസന്ധികളും, രാഷ്ട്രീയ അനിശ്ചിതത്വങ്ങളും നേരിടുന്ന നിർണായക ഘട്ടത്തിലാണ് ഈ സമ്മേളനം നടക്കുന്നത്.
 ഒഐസിയുടെ തൊഴിൽ മന്ത്രിസഭാ സമ്മേളനം അംഗരാജ്യങ്ങൾ തമ്മിലുള്ള ഏകോപനവും സംയുക്ത പ്രവർത്തനവും ഉറപ്പുവരുത്തുന്ന വേദിയാണ്, തൊഴിൽ നയങ്ങളും സാമൂഹ്യ സംരക്ഷണ സംവിധാനങ്ങളും കൂടുതൽ നീതിപൂർവവും മനുഷ്യകേന്ദ്രിതവുമാക്കുക എന്ന ലക്ഷ്യത്തോടെ.
പാലസ്തീൻ പ്രശ്നം ആഗോള മനുഷ്യാവകാശ വിഷയമായി സമ്മേളനത്തിന്റെ ഉദ്ഘാടനം പ്രസംഗത്തിൽ ഡോ. അൽ മെറി ചൂണ്ടിക്കാട്ടി. പാലസ്തീൻ ജനതയ്ക്ക് തൊഴിൽ, സാമൂഹ്യ സംരക്ഷണം, സാമ്പത്തിക അവസരം എന്നിവ ഉറപ്പാക്കുക മനുഷ്യാവകാശ ബാധ്യത മാത്രമല്ല, നൈതിക കടമയും ആണെന്ന്” ഡോ. അൽ മറി പറഞ്ഞു.
 ഡിജിറ്റലൈസേഷൻ, കൃത്രിമബുദ്ധി, ഗ്രീൻ എക്കണോമി എന്നിവ തൊഴിൽ വിപണിയെ പൂർണമായി മാറ്റിയിരിക്കുകയാണ്. ഒഐസി രാജ്യങ്ങൾ തങ്ങളുടെ തൊഴിൽ ശക്തിയെ നവതലമുറയ്ക്ക് അനുയോജ്യമായി അപ്ഡേറ്റ് ചെയ്യുകയും, ടെക്നിക്കൽ-വൊക്കേഷണൽ വിദ്യാഭ്യാസം ശക്തിപ്പെടുത്തുകയും, ഉൾക്കൊള്ളുന്ന സാമൂഹ്യ സംരക്ഷണ സംവിധാനങ്ങൾ ഉറപ്പാക്കുകയും വേണമെന്ന് മന്ത്രി പറഞ്ഞു.
ഖത്തറിലെ തൊഴിൽ വിപണി പരിഷ്കാരങ്ങൾ മനുഷ്യശേഷി വികസനത്തെയും അവകാശ സംരക്ഷണത്തെയും കേന്ദ്രീകരിച്ച് മുന്നോട്ടുപോകുന്നതായും, ഇത് ഖത്തർ നാഷണൽ വിഷൻ 2030-ന്റെ ആധാരമായ മനുഷ്യകേന്ദ്രിത വികസനത്തിന്റെ പ്രതീകമാണെന്നും അദ്ദേഹം കൂട്ടിച്ചേർത്തു.
മുൻ സമ്മേളന അധ്യക്ഷൻ
അസർബൈജാൻ തൊഴിൽ മന്ത്രി അനർ അലിയേവ് ഒഐസിയുടെ പ്രധാന ദൗത്യം മനുഷ്യാവകാശങ്ങളും തൊഴിൽ സുരക്ഷയും ഉറപ്പാക്കലാണെന്ന് വ്യക്തമാക്കി. യുവജനങ്ങളിൽ നിക്ഷേപം, വൊക്കേഷണൽ വിദ്യാഭ്യാസം, മാർക്കറ്റ്-ഓറിയന്റഡ് പരിശീലനം എന്നിവയാണ് സുസ്ഥിര സാമ്പത്തിക വളർച്ചയുടെ അടിസ്ഥാനം എന്ന് അദ്ദേഹം പറഞ്ഞു.
ഒഐസി അസിസ്റ്റന്റ് സെക്രട്ടറി ജനറൽ അഹ്മദ് ക്വൈസ സിംഗിന്ദോ തൊഴിൽരംഗത്തെ ആഗോള മാറ്റങ്ങൾ unemployment വർദ്ധിപ്പിക്കുന്നുവെന്ന് ചൂണ്ടിക്കാട്ടി. ഒഐസി രാജ്യങ്ങൾ തമ്മിലുള്ള സഹകരണം വർദ്ധിപ്പിച്ച് സമതുല്യ തൊഴിൽ അവസരങ്ങൾ സൃഷ്ടിക്കുന്നതിൽ ഒഐസി സെക്രട്ടേറിയറ്റ് പ്രതിജ്ഞാബദ്ധമാണെന്നും അദ്ദേഹം ഉറപ്പിച്ചു.
ആഗോള തൊഴിൽ വെല്ലുവിളികളെ നേരിടാനും, തൊഴിൽ വിപണിയിലെ പുതുമകളും ഉൾക്കൊള്ളാനും, അംഗരാജ്യങ്ങൾ തമ്മിലുള്ള നയപരമായ സഹകരണം ശക്തിപ്പെടുത്താനുമുള്ള ഒരു വേദിയായി ഈ സമ്മേളനം വിലയിരുത്തപ്പെടുന്നു. ഖത്തറിന്റെ ആതിഥ്യം പ്രാദേശിക സഹകരണത്തിന്റെയും മനുഷ്യശേഷി വികസനത്തിന്റെയും ഖത്തറിന്റെ നേതൃത്വം വീണ്ടും ഉറപ്പിക്കുന്നു.