03:17am 23 September 2026
NEWS
ഇറക്കുമതി ചെയ്ത ജെൻസെറ്റുകൾ 'പവർ പാക്കുകളാക്കി' മാറ്റുന്നത് നിർമ്മാണപ്രവർത്തനമെന്ന് സുപ്രീംകോടതി
20/09/2025 08:09 AM IST
സുരേഷ് വണ്ടന്നൂർ
ന്യൂഡൽഹി: ഇറക്കുമതി ചെയ്ത ഗ്യാസ്-ജനറേറ്റിങ് സെറ്റുകൾ (ജെൻസെറ്റുകൾ) കണ്ടെയ്നറുകളിലാക്കി 'പവർ പാക്കുകൾ' ആക്കി മാറ്റുന്നത് 'നിർമ്മാണപ്രവർത്തന'മായി കണക്കാക്കുമെന്ന് സുപ്രീം കോടതി ഉത്തരവിട്ടു. അതിനാൽ, ഈ ഉൽപ്പന്നങ്ങൾക്ക് എക്സൈസ് തീരുവ ബാധകമാണെന്നും കോടതി വ്യക്തമാക്കി.
സെൻട്രൽ എക്സൈസ് ആക്ട്, 1944 പ്രകാരം 'നിർമ്മാണപ്രവർത്തനം' എന്നതിൻ്റെ നിയമപരമായ മാനദണ്ഡങ്ങൾ പ്രയോഗിച്ചുകൊണ്ടാണ് കോടതിയുടെ വിധി. ജെൻസെറ്റുകൾ സ്റ്റീൽ കണ്ടെയ്നറുകളിൽ സ്ഥാപിച്ച് ആവശ്യമായ ഘടകങ്ങൾ കൂട്ടിച്ചേർക്കുന്നത് വഴി വിപണനം ചെയ്യാൻ കഴിയുന്നതും, വ്യത്യസ്തവുമായ ഒരു പുതിയ ഉൽപ്പന്നം സൃഷ്ടിക്കപ്പെടുന്നു. അതിനാൽ ഈ പ്രവർത്തനം നിർമ്മാണപ്രവർത്തനമാണെന്ന് കോടതി ചൂണ്ടിക്കാട്ടി. ഇതോടെ അന്തിമ ഉൽപ്പന്നത്തിന് എക്സൈസ് തീരുവ നൽകേണ്ടിവരും.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
NATIONAL
