11:19am 11 November 2026
NEWS
ഒഴിപ്പിക്കൽ ഉത്തരവ് ലംഘിച്ചു; വാടകക്കാരനെ ജയിലിലടച്ച് സുപ്രീം കോടതി
27/09/2025 08:36 AM IST
സുരേഷ് വണ്ടന്നൂർ
ന്യൂഡൽഹി: ഒഴിപ്പിക്കൽ ഉത്തരവ് പാലിക്കാത്തതിനെ തുടർന്ന് ഒരു വാടകക്കാരനെ സുപ്രീം കോടതി തിഹാർ ജയിലിലേക്ക് അയച്ചു. 2025 മാർച്ച് 31-നകം കെട്ടിടം ഒഴിയാൻ വാടകക്കാരന് കോടതി നേരത്തെ നിർദേശം നൽകിയിരുന്നു. എന്നാൽ, ഉത്തരവ് അനുസരിക്കാതെ കോടതിയെ കബളിപ്പിക്കാൻ ശ്രമിച്ചതിനെ തുടർന്നാണ് സുപ്രീം കോടതിയുടെ ഈ നിർണായക നടപടി.
തുടർച്ചയായി ഹർജികൾ നൽകിയും കീഴ്ക്കോടതികളിൽ പുനരന്വേഷണ ഹർജികൾ സമർപ്പിച്ചും വാടകക്കാരൻ കേസ് നീട്ടിക്കൊണ്ടുപോകാൻ ശ്രമിച്ചു. ഇത് നിയമവിരുദ്ധമാണെന്ന് കണ്ടെത്തിയതിനെ തുടർന്നാണ് കോടതി വാടകക്കാരനെ ജയിലിലേക്ക് അയയ്ക്കാൻ ഉത്തരവിട്ടത്.
കൂടാതെ, ഈ കേസിൽ ഉൾപ്പെട്ട മറ്റൊരു വാടകക്കാരന് അഞ്ചു ലക്ഷം രൂപ പിഴയും കോടതി ചുമത്തി.
എം/എസ് ലക്ഷ്മി കൺസ്ട്രക്ഷൻ & മറ്റുള്ളവർ vs. ഹർഷ ഗോയൽ & മറ്റുള്ളവർ എന്ന കേസിലാണ് സുപ്രീം കോടതി ഈ വിധി പുറപ്പെടുവിച്ചത്.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
NATIONAL
