ദോഹ: ഇറാനും യു.എസ്-ഇസ്രായേൽ സഖ്യവും തമ്മിൽ നിലനിൽക്കുന്ന യുദ്ധത്തിന്റെ പശ്ചാത്തലത്തിൽ ഹോർമുസ് കടലിടുക്ക് അടച്ചതോടെ, ഖത്തറിന്റെ പത്ത് ഊർജ്ജ കയറ്റുമതി കപ്പലുകൾക്ക് യാത്ര തുടരാനാകാതെ കുടുങ്ങിക്കിടക്കുന്നതായി ഖത്തർ വിദേശകാര്യ മന്ത്രാലയം സ്ഥിരീകരിച്ചു. ഇത് രാജ്യത്തെ എണ്ണ, വാതക കയറ്റുമതിയെ ബാധിക്കുന്നതിനൊപ്പം ആഗോള ഊർജ്ജ വിപണിയിലും വലിയ പ്രതിഫലനങ്ങൾ സൃഷ്ടിക്കുന്നുണ്ട്.
​ഖത്തർ നിലവിൽ നേരിടുന്ന ഏറ്റവും വലിയ പ്രവർത്തന വെല്ലുവിളി ഇതാണെന്ന് പ്രധാനമന്ത്രിയുടെ ഉപദേശകനും വിദേശകാര്യ മന്ത്രാലയ ഔദ്യോഗിക വക്താവുമായ ഡോ. മാജിദ് ബിൻ മുഹമ്മദ് അൽ അൻസാരി വാർത്താസമ്മേളനത്തിൽ വ്യക്തമാക്കി. എന്നാൽ രാജ്യത്തെ ആഭ്യന്തര വിതരണ ശൃംഖലയെയോ അവശ്യവസ്തുക്കളുടെ സംഭരണത്തെയോ ഈ പ്രതിസന്ധി ബാധിച്ചിട്ടില്ലെന്നും അദ്ദേഹം കൂട്ടിച്ചേർത്തു.
​"പ്രതിസന്ധി ആരംഭിച്ചതു മുതൽ ഹോർമുസ് കടലിടുക്ക് അടച്ചിട്ടിരിക്കുകയാണെങ്കിലും ഖത്തറിലെ ആഭ്യന്തര വിപണിയിൽ ഒരു സാധനത്തിനും ക്ഷാമം നേരിട്ടിട്ടില്ല. തന്ത്രപരമായ കരുതൽ ശേഖരവും ബദൽ വിതരണ സംവിധാനങ്ങളും രാജ്യം മുൻകൂട്ടി ഒരുക്കിയിട്ടുണ്ട്. എന്നാൽ എണ്ണ, വാതക കയറ്റുമതി തടസ്സപ്പെടുന്നത് ആഗോളതലത്തിൽ ഇന്ധനവില ഉയരാൻ കാരണമാകുന്നുണ്ട്. കടലിടുക്ക് ദീർഘകാലം അടച്ചിടുന്നത് ആഗോള വിതരണ ശൃംഖലയെ കൂടുതൽ സങ്കീർണ്ണമാക്കുമെന്ന് ഡോ. മാജിദ് ബിൻ മുഹമ്മദ് അൽ അൻസാരി.
​പ്രാദേശിക ഏകോപനത്തിലൂടെ ഈ മാസം ആദ്യം ഖത്തറിന്റെ രണ്ട് എൽ.എൻ.ജി (LNG) ടാങ്കറുകൾക്ക് കടലിടുക്കിലൂടെ കടന്നുപോകാൻ കഴിഞ്ഞിരുന്നു. മെയ് 10-ന് റാസ് ലഫാനിൽ നിന്ന് പാകിസ്താനിലെ പോർട്ട് ഖാസിമിലേക്ക് പുറപ്പെട്ട 'അൽ ഖരൈതിയാത്', തൊട്ടടുത്ത ദിവസം പുറപ്പെട്ട 'മിഹ്സെം' എന്നീ കപ്പലുകളാണ് കടന്നുപോയത്. എന്നാൽ ഇത് മേഖലയിലെ സ്ഥിതിഗതികൾ സാധാരണ നിലയിലായതിന്റെ സൂചനയല്ലെന്ന് അൽ അൻസാരി മുന്നറിയിപ്പ് നൽകി.പ്രാദേശിക ഏകോപനത്തിലൂടെ ഈ മാസം ആദ്യം ഖത്തറിന്റെ രണ്ട് എൽ.എൻ.ജി (LNG) ടാങ്കറുകൾക്ക് കടലിടുക്കിലൂടെ കടന്നുപോകാൻ കഴിഞ്ഞിരുന്നു. മെയ് 10-ന് റാസ് ലഫാനിൽ നിന്ന് പാകിസ്താനിലെ പോർട്ട് ഖാസിമിലേക്ക് പുറപ്പെട്ട 'അൽ ഖരൈതിയാത്', തൊട്ടടുത്ത ദിവസം പുറപ്പെട്ട 'മിഹ്സെം' എന്നീ കപ്പലുകളാണ് കടന്നുപോയത്. എന്നാൽ ഇത് മേഖലയിലെ സ്ഥിതിഗതികൾ സാധാരണ നിലയിലായതിന്റെ സൂചനയല്ലെന്ന് അൽ അൻസാരി മുന്നറിയിപ്പ് നൽകി.ഇറാനെതിരെയുള്ള സൈനിക നീക്കത്തിൽ നിന്ന് തൽക്കാലം പിന്മാറുന്നതിന് മുൻപ് യു.എസ് പ്രസിഡന്റ് ഡൊണാൾഡ് ട്രംപ്, ഖത്തർ അമീർ ശൈഖ് തമീം ബിൻ ഹമദ് അൽ ഥാനിയുമായും മറ്റ് ഗൾഫ് നേതാക്കളുമായും ചർച്ച നടത്തിയിരുന്നു. അമീറിന്റെ സ്വകാര്യ സംഭാഷണങ്ങളെക്കുറിച്ച് പ്രതികരിക്കാൻ വിദേശകാര്യ വക്താവ് വിസമ്മതിച്ചെങ്കിലും, ഖത്തറിന്റെ നിലപാട് യു.എസിനെ കൃത്യമായി അറിയിച്ചിട്ടുണ്ടെന്ന് അദ്ദേഹം പറഞ്ഞു. മേഖല വീണ്ടുമൊരു യുദ്ധത്തിലേക്ക് നീങ്ങരുതെന്നാണ് ഖത്തറിന്റെയും മറ്റ് ഗൾഫ് രാജ്യങ്ങളുടെയും ആഗ്രഹം. മേഖലയിലെ ജനങ്ങളെ നേരിട്ട് ബാധിക്കുന്ന യാതൊരുവിധ സൈനിക നീക്കങ്ങളും ഉണ്ടാകരുതെന്നാണ് തങ്ങളുടെ മുൻഗണനയെന്നും അദ്ദേഹം ഊന്നിപ്പറഞ്ഞു.
അന്താരാഷ്ട്ര നിയമങ്ങൾ കാറ്റിൽപ്പറത്തിക്കൊണ്ട് ഹോർമുസ് കടലിടുക്കിലൂടെയുള്ള സ്വതന്ത്ര നാവിക സ്വാതന്ത്ര്യം തടസ്സപ്പെടുത്തുന്ന ഒരു നീക്കത്തെയും ഖത്തർ പിന്തുണയ്ക്കില്ല. ഇറാനുമായി നല്ല അയൽപക്കബന്ധം നിലനിർത്താനാണ് ഖത്തർ ആഗ്രഹിക്കുന്നത്. ഗൾഫിലെ മറ്റ് രാജ്യങ്ങളുമായി അടുത്ത ബന്ധമുള്ള ഇറാഖിലെയും ഇറാനിലെയും സാധാരണ ജനങ്ങൾ യുദ്ധക്കെടുതികൾ അനുഭവിക്കേണ്ടി വരരുത് എന്നതാണ് ഖത്തറിന്റെ നിലപാടെന്നും അദ്ദേഹം വ്യക്തമാക്കി. പ്രതിസന്ധി പരിഹരിക്കാൻ സമാധാന ദൂതനായി ഫലപ്രദമായ പങ്ക് വഹിക്കുന്ന പാകിസ്താന്റെ ശ്രമങ്ങളെ ഖത്തർ അഭിനന്ദിച്ചു.