ദോഹ :സംസ്കൃതി ഖത്തറിന്റെ ആഭിമുഖ്യത്തിൽ ആർട്ട്‌ എക്സിബിഷൻ സംഘടിപ്പിച്ചു. ഓൾഡ് ഐഡിയൽ ഇന്ത്യൻ സ്കൂളിൽ നടന്ന എക്സ്ബിഷനിൽ ഇന്ത്യയിലെ വിവിധ സംസഥാനങ്ങളിൽ നിന്നുള്ള 50തിലേറെ ആർട്ടിസ്റ്റുകളുടെ 150ഓളം പെയിന്റിംഗുകൾ ആണ് പ്രദർശിപ്പിച്ചത്. എക്സിബിഷൻ ഉൽഘാടനം നോർക്ക ഡയറക്ടർ സി വി റപ്പായി നിർവ്വഹിച്ചു.
പ്രശ്‌സ്ത സിനിമ നാടക പ്രവർത്തകനായ അടാട്ട് ഗോപാലൻ ചടങ്ങിൽ വീശിഷ്ട അതിഥിയായിരിന്നു.
നോർത്ത് മേഖലാ വൈസ് പ്രസിഡന്റ്‌ ജിതിൻ അധ്യക്ഷനായിരുന്നു.
സംസ്കൃതി പ്രസിഡന്റ്‌ സാബിത്ത് സഹീർ, ജനറൽ സെക്രട്ടറി ഷംസീർ അരിക്കുളം, വൈസ് പ്രസിഡന്റ്‌ സുനീതി സുനിൽ, കേരള പ്രവാസി ക്ഷേമനിധി ഡയറക്ടർ ഇ എം സുധീർ എന്നിവർ ആശംസകൾ അർപ്പിച്ചു സംസാരിച്ചു.നോർത്ത് മേഖല സെക്രട്ടറി അബ്ദുൾ ഹക്കിം സ്വാഗതവും, ആർട്ട്‌ എക്സിബിഷൻ കൺവീനർ ബിജു സി കെ നന്ദി രേഖപ്പെടുത്തി ആർട്ട്‌ എക്സിബിഷന്റെ ഭാഗമായി ലഹരി വിരുദ്ധ സന്ദേശമുയർത്തി സ്കൂൾ വിദ്യാർത്ഥികൾക്കായി ജൂനിയർ, സീനിയർ വിഭാഗങ്ങളിലായി നടത്തിയ പോസ്റ്റർ രചന മത്സര വിജയികൾക്ക് ക്യാഷ് പ്രൈസ്,, മെമെന്റോ, സർട്ടിഫിക്കേറ്റ് എന്നിവ ചടങ്ങിൽ കൈമാറി. ഇന്ത്യൻ എംബസി അപ്പക്സ് ബോഡി ഭാരവാഹികളായ എ പി മണികണ്ഠൻ , ഇ പി അബ്ദുർ റഹ്മാൻ എബ്രഹാം മാത്യു , ദീപക് ഷെട്ടി ,മിനി സിബി എന്നിവർ ഉൾപ്പടെ
ആയിരത്തോളംപേരാണ് സന്ദർശനത്തിയത്.
