10:48pm 15 October 2026
NEWS
ഖത്തറിനെ പച്ചപ്പണിയിക്കാൻ മഴയെത്തുന്നു; കാത്തിരുന്ന 'വസ്മി' സീസൺ നാളെ ആരംഭിക്കും
15/10/2026 07:35 PM IST
nila
ദോഹ: അറബ് ഉപദ്വീപിലെ ജനങ്ങൾ ഏറെ കാത്തിരിക്കുന്ന 'വസ്മി' സീസൺ നാളെ (വെള്ളിയാഴ്ച, ഒക്ടോബർ 16) ആരംഭിക്കുമെന്ന് ഖത്തറി കലണ്ടർ വിഭാഗം അറിയിച്ചു. 52 ദിവസം നീണ്ടുനിൽക്കുന്ന ഈ കാലയളവ് പ്രദേശവാസികൾക്ക് കാലാവസ്ഥാപരമായി ഏറ്റവും മനോഹരമായ അനുഭവമാണ് സമ്മാനിക്കുന്നത്.
വസ്മി സീസണിന്റെ തുടക്കത്തോടെ പകൽ സമയങ്ങളിൽ മിതമായ കാലാവസ്ഥയും രാത്രികളിൽ സാമാന്യം തണുപ്പും അനുഭവപ്പെടും. ഇതോടൊപ്പം ദേശാടനക്കിളികളുടെ വരവും ഈ കാലയളവിലെ പ്രധാന സവിശേഷതയാണ്.
മഴ പെയ്യാൻ കൂടുതൽ സാധ്യതയുള്ള ഈ സീസണിലാണ് പ്രകൃതിക്ക് പച്ചപ്പ് തിരികെ ലഭിക്കുന്നത്. മണ്ണിൽ സമൃദ്ധിയായി കൂണുകൾ (Truffles) കിളിർത്തു തുടങ്ങുന്നതും ഈ സമയത്താണ്. ഭൂമിയെ പച്ചപ്പും സസ്യലതാദികളും കൊണ്ട് അലങ്കരിക്കുന്നതിനാലാണ് ഈ കാലയളവിന് 'വസ്മി' (അടയാളപ്പെടുത്തുന്നത്) എന്ന പേര് ലഭിച്ചത്.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
