റേഡിയോ മലയാളം ‘ലോക മാതൃദിനം’ ആഘോഷിച്ചു
ദോഹ: ലോക മാതൃദിനത്തോടനുബന്ധിച്ച് മെയ് 10ന് റേഡിയോ മലയാളം 98.6 എഫ് എം ഒരുക്കിയ സവിശേഷമായ മാതൃദിനാഘോഷം ശ്രദ്ധേയമായി. ചടങ്ങിൽ, ഖത്തറിൽ സന്ദർശനത്തിന് വന്നിട്ടുള്ള അമ്മമാരിൽ നിന്നും തെരഞ്ഞെടുക്കപ്പെട്ട 10 പേരെ ആദരിക്കുകയും സമ്മാനങ്ങൾ നൽകുകയും ചെയ്തു. മാതൃത്വത്തിന്റെ മഹത്വത്തെക്കുറിച്ച് മക്കൾ അയച്ച ഒരു മിനിറ്റിൽ കൂടാത്ത ശബ്ദ സന്ദേശത്തിന്റെ അടിസ്ഥാനത്തിലാണ് അമ്മമാരെ തെരഞ്ഞെടുത്തത്.
മലബാർ സ്റ്റോറീസ് റസ്റ്റോറന്റിൽ നടന്ന പരിപാടിയിൽ റേഡിയോ മലയാളം സിഇഒ അൻവർ ഹുസൈൻ ആമുഖഭാഷണം നിർവഹിച്ചു. മാതൃത്വത്തിന്റെ മഹത്വവും മക്കളുടെ ഉത്തരവാദിത്തബോധവും തലമുറകളിലേക്ക് പ്രസരിപ്പിക്കുവാനാണ് ഇത്തരം പരിപാടികൾ വഴി റേഡിയോ മലയാളം ശ്രമിക്കുന്നതെന്ന് അദ്ദേഹം പറഞ്ഞു. നൗഫൽ (ഡി ജി എം സെയിൽസ് - റേഡിയോ മലയാളം), ഫൈസൽ, മുഹമ്മദ് അലി (മലബാർ സ്റ്റോറീസ്), ഉസാമ (ബ്രാഡ്മ ഫുഡ്‌സ്), സയീദ്, സബിൻ ജോസഫ് (റാഫ് ഹെൽത് ഗ്രൂപ്പ്), മഅ്റൂഫ് (റോസ് ഡ ഡിസേർട്ട്), ഷമീർ (ബ്രൈറ്റ് മെഡിക്കൽസ്), ഷാഫി (റിഹാബ് മീഡിയ) തുടങ്ങിയവർ സമ്മാനങ്ങൾ വിതരണം ചെയ്തു. റേഡിയോ മലയാളം അവതാരകരായ രതീഷ്, സൂരജ്, ഷിഫിൻ, ജിബിൻ തുടങ്ങിയവർ പരിപാടികൾ നിയന്ത്രിച്ചു. റിയാസ് കരിയാട് ഗാനാലാപനം നടത്തി. ഷൽസാർ റിസ (സീനിയർ സെയിൽസ് കൺസൾട്ടൻസ് റേഡിയോ മലയാളം) ഏകോപനം നടത്തി.
