ദോഹ: ഖത്തറിലെ കായിക രംഗത്തെ പ്രോത്സാഹിപ്പിക്കുന്നതിന്റെ ഭാഗമായി ഖത്തർ ഇസ്ലാമിക് ഇൻഷുറൻസ് ബാങ്ക് (QIIB) അൽഘറാഫ സ്‌പോർട്സ് ക്ലബ്ബുമായി സ്പോൺസർഷിപ്പ് കരാർ ഒപ്പുവച്ചു. 2025–26, 2026–27 ഫുട്ബോൾ സീസണുകളിലേക്കാണ് കരാർ.QIIB ചെയർമാൻ ഷെയ്ഖ് ഡോ. ഖാലിദ് ബിൻ താനി ബിൻ അബ്ദുള്ള അൽ താനിയും, അൽഘറാഫ ക്ലബ് പ്രസിഡന്റ് ഷെയ്ഖ് ജാസിം ബിൻ തമർ അൽ താനിയും ചേർന്നാണ് കരാറിൽ ഒപ്പുവച്ചത്. ഖത്തർ കായിക രംഗത്തിന്റെ വളർച്ചയ്ക്കും ദേശീയ ക്ലബ്ബുകളുടെ മുന്നേറ്റത്തിനും ബാങ്കിന്റെ ദീർഘകാല പ്രതിബദ്ധതയാണ് ഈ പങ്കാളിത്തം വ്യക്തമാക്കുന്നത്.ക്ലബ്ബിന്റെ വിവിധ കായിക–മീഡിയ പ്രവർത്തനങ്ങൾക്കും പ്രൊഫഷണൽ അന്തരീക്ഷം ശക്തിപ്പെടുത്തുന്നതിനുമാണ് സ്പോൺസർഷിപ്പ് ലക്ഷ്യമിടുന്നത്. ഖത്തറിനെ ലോകോത്തര കായിക കേന്ദ്രമാക്കി മാറ്റാനുള്ള ദേശീയ ദർശനത്തോടൊപ്പം ചുവടുവെയ്ക്കുന്ന പങ്കാളിത്തമായാണ് ഈ കരാറിനെ വിലയിരുത്തുന്നത്.
