​ദോഹ: ഖത്തർ അമീർ ശൈഖ് തമീം ബിൻ ഹമദ് ആൽഥാനിയും അമേരിക്കൻ പ്രസിഡന്റ് ഡൊണാൾഡ് ട്രമ്പും തമ്മിൽ ടെലിഫോൺ സംഭാഷണം നടത്തി. ഇരുരാജ്യങ്ങളും തമ്മിലുള്ള ശക്തമായ തന്ത്രപ്രധാന ബന്ധങ്ങളെക്കുറിച്ചും അത് കൂടുതൽ ശക്തിപ്പെടുത്തുന്നതിനുള്ള വഴികളെക്കുറിച്ചും ഇരുനേതാക്കളും ചർച്ച ചെയ്തു. മേഖലയിലെ സംഘർഷങ്ങൾ ലഘൂകരിക്കുന്നതിനുള്ള നയതന്ത്ര ശ്രമങ്ങൾ ഉൾപ്പെടെയുള്ള പ്രസക്തമായ പ്രാദേശിക, അന്തർദേശീയ വിഷയങ്ങൾ ചർച്ചയിൽ മുഖ്യവിഷയമായി.
​അമേരിക്കയും ഇറാനും തമ്മിൽ നടന്ന ചർച്ചകളുടെയും ധാരണകളുടെയും പുരോഗതി ഇരുനേതാക്കളും വിലയിരുത്തി. ചർച്ചാ പഥത്തിൽ കൈവരിച്ച പുരോഗതി ഇരുരാജ്യങ്ങൾക്കും അനുകൂലമാണെന്ന് വിലയിരുത്തപ്പെട്ടു.
​"ബന്ധപ്പെട്ട എല്ലാ കക്ഷികളുടെയും അംഗീകാരത്തോടെയാണ് നിലവിലെ ധാരണകളിൽ എത്തിച്ചേർന്നിട്ടുള്ളത്. ഖത്തർ ഉൾപ്പെടെയുള്ള സുഹൃദ് രാജ്യങ്ങളുടെ പങ്കാളിത്തവും പിന്തുണയും ഇതിനുണ്ട്. കരാർ ഒപ്പുവെക്കുന്നതിനുള്ള അന്തിമ നടപടികൾ പൂർത്തിയാക്കാനുള്ള ശ്രമങ്ങൾ തുടരുകയാണെന്ന് 
ഡൊണാൾഡ് ട്രംപ് പറഞ്ഞു.
​തർക്കങ്ങൾ ചർച്ചകളിലൂടെയും സമാധാനപരമായ മാർഗങ്ങളിലൂടെയും പരിഹരിക്കാനുള്ള ശ്രമങ്ങളെ ഖത്തർ സ്വാഗതം ചെയ്യുന്നതായി അമീർ ശൈഖ് തമീം ബിൻ ഹമദ് ആൽഥാനി വ്യക്തമാക്കി. പ്രാദേശികവും അന്തർദേശീയവുമായ സുരക്ഷയും സ്ഥിരതയും ഉറപ്പാക്കുന്നതിനും, മേഖലയിലെ രാജ്യങ്ങൾക്കിടയിൽ സമാധാനവും സഹകരണവും വർദ്ധിപ്പിക്കുന്നതിനുമുള്ള എല്ലാ ശ്രമങ്ങൾക്കും ഖത്തറിന്റെ പൂർണ്ണ പിന്തുണയുണ്ടാകുമെന്നും അദ്ദേഹം ഉറപ്പുനൽകി. മേഖലയിലെ സംഘർഷങ്ങൾ കുറയ്ക്കുന്നതിനായി യു.എസ് പ്രസിഡന്റ് നടത്തുന്ന ശ്രമങ്ങൾക്ക് അമീർ നന്ദി അറിയിക്കുകയും ചെയ്തു.