ദോഹ: ഖത്തറിൽ പൊതുസുരക്ഷ ശക്തമാക്കുന്നതിനും കുറ്റകൃത്യങ്ങൾ തടയുന്നതിനുമായി മെട്രാഷ് (Metrash) ആപ്ലിക്കേഷനിലെ പ്രത്യേക സേവനത്തെക്കുറിച്ച് ഓർമ്മിപ്പിച്ച് ഖത്തർ ആഭ്യന്തര മന്ത്രാലയം (MoI). ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റിലേക്ക് (CID) സുരക്ഷാ സംബന്ധിയായ വിവരങ്ങൾ വിവരദാതാവിന്റെ വ്യക്തിവിവരങ്ങൾ വെളിപ്പെടുത്താതെ തികച്ചും രഹസ്യമായി കൈമാറാൻ ഈ സംവിധാനത്തിലൂടെ സാധിക്കും.
പൊലീസ് സ്റ്റേഷനുകളോ സർവീസ് സെന്ററുകളോ നേരിട്ട് സന്ദർശിക്കാതെ തന്നെ പൊതുജനങ്ങൾക്ക് തങ്ങൾ ശ്രദ്ധയിൽപെടുന്ന വിവരങ്ങൾ കൈമാറാമെന്ന് മന്ത്രാലയം തങ്ങളുടെ ഔദ്യോഗിക സോഷ്യൽ മീഡിയ പേജുകളിലൂടെ പങ്കുവെച്ച വീഡിയോയിൽ വ്യക്തമാക്കി.പൊലീസ് സ്റ്റേഷനുകളോ സർവീസ് സെന്ററുകളോ നേരിട്ട് സന്ദർശിക്കാതെ തന്നെ പൊതുജനങ്ങൾക്ക് തങ്ങൾ ശ്രദ്ധയിൽപെടുന്ന വിവരങ്ങൾ ആപ്പ് വഴി വേഗത്തിൽ അധികാരികളെ അറിയിക്കാം.വിവരങ്ങൾ നൽകുന്ന വ്യക്തിയുടെ ഐഡന്റിറ്റിയും വിവരങ്ങളും പൂർണ്ണമായും രഹസ്യമായി സൂക്ഷിക്കപ്പെടും (Anonymous reporting).
ലഭിക്കുന്ന സന്ദേശങ്ങളും വിവരങ്ങളും അന്വേഷണ ഏജൻസികൾക്ക് ഉടനടി പരിശോധിക്കാനും ആവശ്യമായ സുരക്ഷാ നടപടികൾ സ്വീകരിക്കാനും ഇത് സഹായിക്കുന്നു.രാജ്യത്തിന്റെ സുരക്ഷയും സമാധാനവും നിലനിർത്തുന്നതിൽ പൊതുജന പങ്കാളിത്തം ഉറപ്പാക്കുകയാണ് ഈ സംവിധാനത്തിലൂടെ ആഭ്യന്തര മന്ത്രാലയം ലക്ഷ്യമിടുന്നത്.
