ദോഹ: ഖത്തർ ഇന്ത്യൻ ഓതേഴ്സ് ഫോറം (QIAF) സംഘടിപ്പിക്കുന്ന പ്രതിമാസ സാഹിത്യസദസ്സും പുസ്തകചർച്ചയും ഇന്ന് (സെപ്റ്റംബർ 17വ്യാഴാഴ്ച) വൈകുന്നേരം 7 മണി മുതൽ എഫ്.സി.സി ഹാളിൽ നടക്കും.
ചടങ്ങിൽ ഡോ. സാബു കെ.സിയുടെ ‘ഹർഷവർഷം’ എന്ന കൃതിയുടെ അവലോകനം അസീസ് മഞ്ഞിയിലും, ആർ. രാജശ്രീയുടെ ‘ആത്രേയകം’ എന്ന കൃതിയുടെ ആസ്വാദനം ഷൈജു ധമനിയും നിർവഹിക്കും. തുടർന്ന് നടക്കുന്ന ചർച്ചയിൽ ഹബീബുർ റഹ്മാൻ കിഴിശ്ശേരി, ഷഫീക്ക് അറക്കൽ, അൻസാർ അരിമ്പ്ര, സ്മിത പൗലോസ് എന്നിവർ വായനാനുഭവങ്ങൾ പങ്കുവെക്കും. വാളൂരാൻ പരിപാടിയുടെ മോഡറേറ്ററായിരിക്കും.
വായനയുടെ വെളിച്ചത്തിൽ കൃതികളെയും എഴുത്തുകാരെയും അടുത്തറിയാനും ആശയങ്ങൾ പങ്കുവെക്കാനും അവസരമൊരുക്കുന്ന ഈ സാഹിത്യസദസ്സിലേക്ക് എല്ലാ സാഹിത്യസ്നേഹികളെയും സ്വാഗതം ചെയ്യുന്നതായി ഭാരവാഹികൾ അറിയിച്ചു. കൂടുതൽ വിവരങ്ങൾക്ക് 33324499 എന്ന നമ്പറിൽ ബന്ധപ്പെടാവുന്നതാണ്.
