ദോഹവാഷിംഗ്ടൺ:അമേരിക്കയിലെ ലോസ് ഏഞ്ചൽസിൽ നടന്ന മിൽക്കൻ ഇൻസ്റ്റിറ്റ്യൂട്ട് ഗ്ലോബൽ കോൺഫറൻസിനിടെ (Milken Institute Global Conference 2026) പ്രമുഖ ആഗോള സാമ്പത്തിക-ധനകാര്യ നേതാക്കളുമായി ഖത്തർ ധനകാര്യമന്ത്രി അലി ബിൻ അഹമ്മദ് അൽ കുവാരി കൂടിക്കാഴ്ച നടത്തി. അന്താരാഷ്ട്ര തലത്തിൽ സാമ്പത്തിക സഹകരണം വിപുലീകരിക്കുന്നതിന്റെ ഭാഗമായായിരുന്നു ഈ ചർച്ചകൾ.ആഗോള സമ്പദ്വ്യവസ്ഥ നേരിടുന്ന പുതിയ വെല്ലുവിളികളും പ്രാദേശിക വികസനങ്ങളും ചർച്ചകളിൽ വിഷയമായി. ഖത്തറിലെ സുരക്ഷിതവും സുസ്ഥിരവുമായ നിക്ഷേപ സാഹചര്യത്തെക്കുറിച്ച് മന്ത്രി പ്രമുഖർക്ക് വിശദീകരിച്ചു നൽകി. വിദേശ നിക്ഷേപകരെ ആകർഷിക്കുന്നതിനായി ഖത്തർ ഒരുക്കിയിട്ടുള്ള നൂതന സൗകര്യങ്ങളും ആഗോള പങ്കാളികളുമായുള്ള സാമ്പത്തിക സഹകരണം വർദ്ധിപ്പിക്കുന്നതിനുള്ള സാധ്യതകളും കൂടിക്കാഴ്ചയിൽ ഊന്നിപ്പറഞ്ഞു.
അന്താരാഷ്ട്ര നിക്ഷേപകർക്ക് ഖത്തർ നൽകുന്ന വാഗ്ദാനങ്ങളും രാജ്യത്തിന്റെ സാമ്പത്തിക വൈവിധ്യവൽക്കരണ പദ്ധതികളും ആഗോള തലത്തിൽ ശ്രദ്ധിക്കപ്പെടുന്നതിന്റെ തെളിവായി ഈ കൂടിക്കാഴ്ചകൾ വിലയിരുത്തപ്പെടുന്നു.
