ദോഹ: നിലവിലെ പ്രത്യേക സാഹചര്യങ്ങൾ കണക്കിലെടുത്ത് ടിക്കറ്റ് തുക തിരികെ നൽകുന്നതിൽ (Refund) കാലതാമസമുണ്ടാകുമെന്ന് ഖത്തർ എയർവേയ്‌സ് അറിയിച്ചു. റീഫണ്ട് അപേക്ഷകൾ എത്രയും വേഗം തീർപ്പാക്കാൻ ശ്രമിച്ചുവരികയാണെന്നും വിമാനക്കമ്പനി വ്യക്തമാക്കി.2026 ഫെബ്രുവരി 28-നും ഏപ്രിൽ 30-നും ഇടയിൽ യാത്ര നിശ്ചയിച്ചിരുന്ന, കൺഫേംഡ് ബുക്കിംഗുള്ള യാത്രക്കാർക്ക് റീഫണ്ടിനോ യാത്ര തീയതി മാറ്റുന്നതിനോ അപേക്ഷിക്കാവുന്നതാണ്.അപേക്ഷകൾ പരിഗണിച്ച് തുക തിരികെ ലഭിക്കാൻ ഏകദേശം 28 പ്രവൃത്തി ദിവസങ്ങൾ വരെ എടുത്തേക്കാം. ടിക്കറ്റ് ബുക്ക് ചെയ്ത അതേ മാർഗ്ഗത്തിലൂടെ തന്നെയാകും (Original form of payment) തുക തിരികെ നൽകുക.ടിക്കറ്റിലെ ഉപയോഗിക്കാത്ത ഭാഗത്തിനുള്ള തുകയായിരിക്കും തിരികെ ലഭിക്കുക. സീറ്റ് സെലക്ഷൻ പോലുള്ള അധിക സേവനങ്ങൾക്കായി നൽകിയ തുക പ്രത്യേകം റീഫണ്ട് ചെയ്യും.
അപേക്ഷ സമർപ്പിച്ച ശേഷം അതിന്റെ നിലവിലെ അവസ്ഥ (Status) അറിയാൻ യാത്രക്കാർ ഇമെയിൽ പരിശോധിക്കണമെന്ന് അധികൃതർ നിർദ്ദേശിച്ചു. കൂടുതൽ വിവരങ്ങൾക്കും സഹായങ്ങൾക്കുമായി ഖത്തർ എയർവേയ്‌സിന്റെ ഔദ്യോഗിക വെബ്‌സൈറ്റിലെ 'ട്രാവൽ അപ്‌ഡേറ്റ്‌സ്' (Travel Updates) പേജ് സന്ദർശിക്കാവുന്നതാണ്.
