ദോഹ: റിയാദിലേക്കും ദമാമിലേക്കുമുള്ള വിമാന സർവീസുകൾ താത്കാലികമായി നിർത്തിവെച്ചതായി ഖത്തർ എയർവേയ്‌സ് അറിയിച്ചു. ഒക്ടോബർ 24 വരെയാണ് ഈ റൂട്ടുകളിൽ വിമാന സർവീസുകൾ റദ്ദാക്കിയിരിക്കുന്നത്. കൂടാതെ, ജിദ്ദയിലേക്കുള്ള പ്രതിദിന സർവീസുകളുടെ എണ്ണം ഏഴിൽ നിന്ന് നാലായി കുറയ്ക്കുകയും ചെയ്തിട്ടുണ്ട്.
നിലവിൽ ടിക്കറ്റ് ബുക്ക് ചെയ്തിട്ടുള്ള യാത്രക്കാർ വിമാനം പുറപ്പെടുന്നതിന് 48 മണിക്കൂർ മുമ്പായി കമ്പനിയുമായി ബന്ധപ്പെടണമെന്ന് ഖത്തർ എയർവേയ്‌സ് സോഷ്യൽ മീഡിയയിലൂടെ അഭ്യർത്ഥിച്ചു. സാഹചര്യങ്ങൾക്കനുസരിച്ച് വിമാന സമയക്രമത്തിൽ മാറ്റങ്ങൾ വരാൻ സാധ്യതയുണ്ട്.
യാത്രക്കാർക്ക് ടിക്കറ്റ് ബുക്കിംഗുകൾക്കുമായി ഖത്തർ എയർവേയ്‌സിന്റെ ഔദ്യോഗിക വെബ്‌സൈറ്റോ മൊബൈൽ ആപ്പോ ഉപയോഗിക്കാവുന്നതാണ്. കൂടാതെ വെബ്‌സൈറ്റിലൂടെ കസ്റ്റമർ സർവീസ് ടീമുമായി നേരിട്ട് ബന്ധപ്പെടാനുള്ള സൗകര്യവും ലഭ്യമാക്കിയിട്ടുണ്ട്.
