ദോഹ: മുസ്‌ലിം ജീവിതത്തിന്റെ ആഴവും വൈവിധ്യവും പ്രമേയമാക്കി 'മോർ മുസ്‌ലിം' (More Muslim) എന്ന പേരിൽ പുതിയ ഓഡിയോ ഡോക്യുമെന്ററി പോഡ്‌കാസ്റ്റ് പരമ്പര പുറത്തിറക്കി. അൽ-മുജാദില സെന്റർ ഫോർ വിമൻ സംഘടിപ്പിച്ച 'ജദൽ 2026' ഉച്ചകോടിയുടെ ഭാഗമായാണ് പോഡ്‌കാസ്റ്റ് ലോഞ്ച് ചെയ്തത്. ആധുനിക ലോകത്തെ മുസ്‌ലിം ജീവിതത്തെ സ്വാധീനിക്കുന്ന ചരിത്രപരവും സാമൂഹികവുമായ വിഷയങ്ങളാണ് ഈ പരമ്പര ചർച്ച ചെയ്യുന്നത്.
അൽ-മുജാദില നിർമ്മിച്ച പോഡ്‌കാസ്റ്റിന്റെ ആദ്യ സീസൺ മുസ്‌ലിം സ്ത്രീകളുടെ ജീവിതാനുഭവങ്ങൾക്കാണ് മുൻഗണന നൽകുന്നത്. വിശ്വാസം, സംസ്‌കാരം, സ്വത്വം എന്നിവയെ ലളിതമായ വിവരണങ്ങൾക്കപ്പുറം ഗൗരവകരമായി ഈ പോഡ്‌കാസ്റ്റ് വിശകലനം ചെയ്യുന്നു.
ജനുവരി 31-ന് ആരംഭിച്ച 'ജദൽ' ഉച്ചകോടി ഫെബ്രുവരി 2 വരെ നീണ്ടുനിൽക്കും. ഇസ്‌ലാമിക ചരിത്രത്തിലെ സ്ത്രീകളുടെ നേതൃപാടവം, ബൗദ്ധിക സംഭാവനകൾ എന്നിവയ്ക്ക് പുറമെ എത്തിക്കൽ ബിസിനസ്സ്, മീഡിയ, ആത്മീയ ആരോഗ്യം, ബയോ എത്തിക്സ് തുടങ്ങിയ വൈവിധ്യമാർന്ന വിഷയങ്ങളിൽ അന്താരാഷ്ട്ര തലത്തിലുള്ള ചർച്ചകൾ ഉച്ചകോടിയിൽ നടക്കുന്നുണ്ട്.
