11:28pm 04 June 2026
NEWS
പുതിയ ട്രാഫിക് നിയമ ഭേദഗതി: പരിശോധന തുടർന്ന് ഖത്തർ ശൂറാ കൗൺസിൽ സമിതി
04/06/2026 01:33 PM IST
NILA
ദോഹ: രാജ്യത്തെ റോഡ് ഗതാഗത നിയമങ്ങൾ പരിഷ്കരിക്കുന്നതിന്റെ ഭാഗമായി തയ്യാറാക്കിയ പുതിയ ട്രാഫിക് നിയമ കരടിൻമേലുള്ള പരിശോധന ഖത്തർ ശൂറാ കൗൺസിൽ സമിതി തുടർന്നു വരുന്നു. ശൂറാ കൗൺസിൽ സ്പീക്കർ ഹസ്സൻ ബിൻ അബ്ദുള്ള അൽ ഗാനിമിന്റെ അധ്യക്ഷതയിൽ ബുധനാഴ്ച (ഇന്നലെ) ചേർന്ന ആഭ്യന്തര-വിദേശകാര്യ സമിതി യോഗമാണ് നിർദ്ദിഷ്ട നിയമ ഭേദഗതികൾ വിശദമായി വിലയിരുത്തിയത്.
പുതിയ നിയമനിർമ്മാണവുമായി ബന്ധപ്പെട്ട് സമിതി മുൻപ് ഉന്നയിച്ച ചോദ്യങ്ങൾക്കും നിരീക്ഷണങ്ങൾക്കും ബന്ധപ്പെട്ട അധികാരികളിൽ നിന്ന് ലഭിച്ച മറുപടികളും വിശദീകരണങ്ങളും യോഗം പരിശോധിച്ചു.
കരട് നിയമത്തെക്കുറിച്ച് കൂടുതൽ പഠനങ്ങൾ നടത്താനും, വരാനിരിക്കുന്ന അടുത്ത യോഗങ്ങളിൽ ചർച്ച തുടർന്നതിന് ശേഷം മാത്രം അന്തിമ ശുപാർശകൾ സമർപ്പിക്കാനും സമിതി തീരുമാനിച്ചു.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
