ലേഡി സൂപ്പർസ്റ്റാർ നയൻതാര നായകിയായി അഭിനയിച്ച് ഈ വർഷത്തിൻ്റെ തുടക്കത്തിൽ, റിലീസായ തെലുങ്ക് സിനിമയാണ് 'മാനശങ്കര വരപ്രസാദ് ഗാരു'. ഈ ചിത്രം വലിയ വിജയമായി. അതിനു ശേഷം, മെയ് 1-ന് മലയാളത്തിൽ മമ്മുട്ടി, മോഹൻലാൽ, ഫഹദ് ഫാസിൽ തുടങ്ങിയ സൂപ്പർ താരങ്ങൾക്കൊപ്പം അഭിനയിച്ച 'പാട്രിയറ്റ്' എന്ന സിനിമ റിലീസായി. ഇത് വലിയ പ്രതീക്ഷകൾ സൃഷ്ടിക്കുകയും, അതേ സമയം നിരാശപ്പെടുത്തുകയും ചെയ്ത ചിത്രമാണ്.
ഇതിനെ തുടർന്ന് അടുത്തടുത്ത് 'ഹായ്' എന്ന തമിഴ് സിനിമയും, 'ടോക്സിക്' എന്ന കന്നഡ ചിത്രവും റിലീസാകാനിരിക്കുകയാണ്. ഇതിൽ യാഷ് നായകനാകുന്ന 'ടോക്സിക്' ഈ മാസം 26-നും, 'ഹായ്' 28നും റിലീസാകുമെന്നാണ് പ്രഖ്യാപിക്കപ്പെട്ടിരിക്കുന്നത്. ഈ സിനിമകളുടെ റിലീസിനു ശേഷം സുന്ദർ.സി സംവിധാനം ചെയ്യുന്ന 'മൂക്കുത്തി അമ്മൻ-2', നയൻതാര തന്നെ നിർമ്മിച്ചിരിക്കുന്ന 'മണ്ണാങ്കട്ടി സിൻസ് 1960' എന്നീ ചിത്രങ്ങളും പുറത്തിറങ്ങുമെന്നാണ് റിപ്പോർട്ട്! അങ്ങിനെയെങ്കിൽ നയൻതാരയുടേതായി 6 സിനിമകളാണ് ഇക്കൊല്ലം പുറത്തിറങ്ങുന്നത്!!
