ദോഹ: എം.ഇ.എസ്. ഇന്ത്യൻ സ്കൂൾ വിദ്യാർത്ഥികൾ സിബിഎസ്ഇ ബഡ്ഡിംഗ് ഓതേഴ്സ് പ്രോഗ്രാം (CBSE Budding Authors Programme) മത്സരത്തിൽ തങ്ങളുടെ സൃഷ്ടിപരത, സാഹിത്യപ്രതിഭ, സൃഷ്ടിപരമായ ചിന്താശേഷി എന്നിവ പ്രകടിപ്പിച്ച് ദേശീയ തലത്തിൽ വിജയം നേടി.
ക്ലാസ് V മുതൽ XII വരെ പഠിക്കുന്ന വിദ്യാർത്ഥികൾക്ക് ചെറുകഥകളും സൃഷ്ടിപരമായ രചനകളും എഴുതിക്കൊണ്ട് അവരുടെ പ്രതിഭ പ്രകടിപ്പിക്കാനുള്ള വേദിയായി.
സിബിഎസ്ഇ സംഘടിപ്പിച്ച മത്സരത്തിൽ എം.ഇ.എസ്. സ്കൂൾ വിദ്യാർത്ഥികളുടെ ചിന്താപ്രേരിതമായ കഥകളും മനോഹരമായ അവതരണശൈലിയും അവരെ വിജയത്തിലേക്ക് നയിച്ചു. വിജയികൾക്ക് സിബിഎസ്ഇ നൽകിയ മെറിറ്റ്സർട്ടിഫിക്കറ്റുകളും പങ്കാളിത്തസർട്ടിഫിക്കറ്റുകളുംലഭിച്ചു.സിബിഎസ്ഇ ബഡ്ഡിംഗ് ഓതേഴ്സ് പ്രോഗ്രാമിലെ വിജയങ്ങൾ വിദ്യാർത്ഥികളുടെ സൃഷ്ടിപരതയുടെയും വിമർശനാത്മക ചിന്താശേഷിയുടെയും പ്രതിഫലനമാണ്. ഇവരുടെ നേട്ടം സഹപാഠികൾക്ക് പ്രചോദനമാണെന്ന്
എം.ഇ.എസ്. ഇന്ത്യൻ സ്കൂൾ പ്രിൻസിപ്പൽ ഡോ. ഹമീദ
കാദർ പറഞ്ഞു
