ദോഹ: വ്യോമയാന ലോകത്തെ കുറിച്ചുള്ള അസാധാരണമായ ഓർമ്മശക്തിയിലൂടെ എം.ഇ.എസ് ഇന്ത്യൻ സ്കൂൾ വിദ്യാർത്ഥി അബ്ദുൽ അലീം എൻ.എം. ദേശീയ ശ്രദ്ധ നേടി. ഏഴാം ക്ലാസ് വിദ്യാർത്ഥിയായ അലിo, 43 സെക്കൻഡിനുള്ളിൽ 120 എയർലൈൻ കമ്പനികളുടെ ലോഗോകൾ തിരിച്ചറിയുന്നതിലൂടെ ‘ഇന്ത്യ ബുക്ക് ഓഫ് റെക്കോർഡ്സ്’യിലെ ‘ഐ.ബി.ആർ. അചീവർ’ പട്ടികയിൽ ഇടം നേടി.
2 അലിമിന്റെ അതുല്യമായ ദൃശ്യ ഓർമ്മശക്തിയും ബൗദ്ധിക മികവും പഠനത്തിന് അപ്പുറമുള്ള അറിവിനോടുള്ള താൽപ്പര്യവും നേട്ടത്തിന് പ്രചോദനമായി.
“വിദ്യാർത്ഥികളിലെ സ്വാഭാവിക കഴിവുകൾ കണ്ടെത്തിയും വളർത്തിയും ആഗോള തലത്തിൽ മികവുറ്റവരാക്കുകയാണ് MES സ്കൂളിന്റെ ലക്ഷ്യം. അബ്ദുൽ അലീമിന്റെ സമർപ്പണവും വ്യോമയാന മേഖലയിൽ ഉള്ള ആകർഷണവും നിരന്തരമായ പരിശീലനവും അദ്ദേഹത്തെ ഈ അത്ഭുത നേട്ടത്തിലേക്ക് നയിച്ചുവെന്ന് സ്കൂൾ പ്രിൻസിപ്പൽ ഡോ. ഹമീദ കാദർ അഭിപ്രായപ്പെട്ടു.
സ്കൂൾ മാനേജ്മെന്റും അധ്യാപകരും അബ്ദുൽ അലീമിന് ഹൃദയം നിറഞ്ഞ അഭിനന്ദനങ്ങൾ അറിയിച്ചു
