01:03am 20 November 2026
NEWS
ചികിത്സ പരാജയപ്പെട്ടതുകൊണ്ടോ രോഗി മരിച്ചതുകൊണ്ടോ ചികിത്സാപ്പിഴവ് ഉറപ്പിക്കാനാവില്ല: കേരള ഹൈക്കോടതി
18/11/2026  08:02 AM IST
ചികിത്സ പരാജയപ്പെട്ടതുകൊണ്ടോ രോഗി മരിച്ചതുകൊണ്ടോ ചികിത്സാപ്പിഴവ് ഉറപ്പിക്കാനാവില്ല: കേരള ഹൈക്കോടതി

 

 

നിയമകാര്യലേഖകൻ

 

കൊച്ചി: ചികിത്സ വിജയിച്ചില്ലെന്നതോ രോഗി മരണപ്പെട്ടെന്നതോ മാത്രം അടിസ്ഥാനമാക്കി ഡോക്ടർമാരുടെ ഭാഗത്ത് ചികിത്സാപ്പിഴവുണ്ടായതായി നിഗമനത്തിലെത്താനാവില്ലെന്ന് കേരള ഹൈക്കോടതി. ചികിത്സയിലെ അശ്രദ്ധ സ്ഥാപിക്കാൻ വ്യക്തവും വിശ്വസനീയവുമായ വൈദ്യശാസ്ത്രപരമായ തെളിവുകൾ ആവശ്യമാണെന്ന് ജസ്റ്റിസ് മുഹമ്മദ് നിയാസ് സി.പി. നിരീക്ഷിച്ചു.
ചികിത്സ പരാജയപ്പെട്ട എല്ലാ സാഹചര്യങ്ങളിലും ഡോക്ടർമാർ അശ്രദ്ധമായി പ്രവർത്തിച്ചുവെന്ന് അനുമാനിക്കുന്നത് ശരിയല്ലെന്നാണ് കോടതി വ്യക്തമാക്കിയത്. ചികിത്സയുടെ ഫലം പ്രതീക്ഷിച്ചതുപോലെ ആയില്ലെന്ന കാരണത്താൽ മാത്രം ചികിത്സാപ്പിഴവ് ആരോപണം തെളിയിക്കപ്പെടുന്നില്ല.
ചികിത്സയുടെ പരാജയവും ഡോക്ടറുടെ ഭാഗത്തുനിന്നുള്ള അശ്രദ്ധയും ഒരേ കാര്യമായി കാണാനാവില്ലെന്നും, മതിയായ വൈദ്യശാസ്ത്ര തെളിവുകളുടെ അഭാവത്തിൽ ചികിത്സാപ്പിഴവുണ്ടെന്ന നിഗമനം സ്വീകരിക്കാനാവില്ലെന്നുമാണ് കോടതി നിരീക്ഷണത്തിന്റെ സാരം.

ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
KERALA
img