മലയാളത്തിന്റെ മഹാനടൻ മമ്മൂട്ടി വീണ്ടും തമിഴിലേക്ക്. പ്രശസ്ത സംവിധായകൻ അടൂർ ഗോപാലകൃഷ്ണന്റെ 'പദയാത്ര' എന്ന ചിത്രത്തിന്റെ ഷൂട്ടിംഗ് പൂർത്തിയാക്കി മാർച്ച് 10-ന് മമ്മൂട്ടി ചെന്നൈയിൽ ധനുഷ് ചിത്രത്തിന്റെ സെറ്റിൽ ജോയിൻ ചെയ്യും. 2019-ൽ പുറത്തിറങ്ങിയ 'പേരൻപി'ന് ശേഷം മമ്മൂട്ടി അഭിനയിക്കുന്ന 17-ാമത്തെ തമിഴ് ചിത്രമാണിത്.
ധനുഷ് ചിത്രം: ബ്ലോക്ക്ബസ്റ്റർ ചിത്രം 'അമരൻ' ഫെയിം രാജ്കുമാർ പെരിയസാമി ആണ് ഈ ചിത്രം സംവിധാനം ചെയ്യുന്നത്. ധനുഷിന്റെ വണ്ടർബാർ ഫിലിംസും ആർടെക് സ്റ്റുഡിയോസും ചേർന്നാണ് നിർമ്മാണം. സായ് പല്ലവി, ശ്രീലീല എന്നിവരാണ് നായികമാർ. സായ് അഭ്യങ്കർ സംഗീതം നിർവ്വഹിക്കുന്നു.
അടൂർ - മമ്മൂട്ടി കൂട്ടുകെട്ട്: നീണ്ട 32 വർഷങ്ങൾക്ക് ശേഷമാണ് അടൂർ ഗോപാലകൃഷ്ണനും മമ്മൂട്ടിയും ഒരു സിനിമയ്ക്കായി ഒന്നിക്കുന്നത്. 'പദയാത്ര' എന്ന് പേരിട്ടിരിക്കുന്ന ഈ ചിത്രം മമ്മൂട്ടി കമ്പനിയാണ് നിർമ്മിക്കുന്നത്.
പദയാത്ര പാക്കപ്പ്: ചിത്രത്തിന്റെ ഷൂട്ടിംഗ് വയനാട്ടിൽ പൂർത്തിയാകും . എറണാകുളത്തും തുടർന്നുള്ള രണ്ട് ദിവസം വയനാട്ടിലുമാണ് ചിത്രീകരണം. പൂയംകുട്ടി, പൊള്ളാച്ചി എന്നിവിടങ്ങളിലും ഷൂട്ടിംഗ് നടന്നിരുന്നു.
അണിയറപ്രവർത്തകർ: ഗ്രേസ് ആന്റണിയാണ് 'പദയാത്ര'യിലെ നായിക. ഇന്ദ്രൻസ്, പി. ശ്രീകുമാർ, നന്ദു തുടങ്ങിയവരും ചിത്രത്തിലുണ്ട്. ഷഹ്നാദ് ജലാൽ ഛായാഗ്രഹണവും മുജീബ് മജീദ് സംഗീതവും നിർവ്വഹിക്കുന്നു. വേഫെറർ ഫിലിംസ് ആണ് ചിത്രം തിയേറ്ററുകളിൽ എത്തിക്കുന്നത്.
