എറണാകുളം ലൂർദ് ആശുപത്രി സംഘടിപ്പിച്ച ദേശീയതല ശില്പശാല ദിനാചാരണത്തിൽ ലൂർദ് ഗ്രൂപ്പ് ഓഫ് ഇൻസ്റ്റിറ്റ്യൂഷൻ ഡയറക്ടർ ഫാ. ജോർജ് സെക്വീര ഉദ്ഘാടനം ചെയ്യുന്നു. ഡോ. ബിജു ജോർജ്ജ്, ശ്രീമതി. നടഷ ഗുലാത്തി, ഡോ. ബിനു ഉപേന്ദ്രൻ, ഡോ. റിങ്കു തെരേസ, ഫാ. വിമൽ ഫ്രാൻസിസ്, സിസ്റ്റർ റൂഫീന ഇ എ എന്നിവർ സമീപം
കൊച്ചി : എറണാകുളം ലൂർദ് ആശുപത്രിയുടെയും ലൂർദ് കോളേജ് ഓഫ് നഴ്സിങ്ങിന്റെയും സംയുക്താഭിമുഖ്യത്തിൽ " ഗവേഷണ അന്വേഷണം: രീതിശാസ്ത്രപരമായ മികവ് വർദ്ധിപ്പിക്കൽ " എന്ന വിഷയത്തിൽ ദേശീയതല ശില്പശാല ലൂർദ് ആശുപത്രിയിൽവെച്ച് സംഘടിപ്പിച്ചു. ലൂർദ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ഡയറക്ടർ ഫാ. ജോർജ് സെക്വീര ശില്പശാല ഔദ്യോഗികമായി ഉദ്ഘാടനം ചെയ്തു. കണ്ണൂർ ഗവണ്മെന്റ് മെഡിക്കൽ കോളേജിലെ അസോസിയേറ്റ് പ്രൊഫസർ ഡോ. ബിജു ജോർജും അന്താരാഷ്ട്ര തലത്തിലെ പ്രമുഖ ഗവേഷണ ജേർണൽ എൽസിവിയർ ഹെൽത്തിലെ കസ്റ്റമർ സക്സസ്സ് ടീം മാനേജർ ശ്രീമതി. നടാഷ ഗുലാത്തിയുമായിരുന്നു ശില്പശാല നയിച്ചത്. ലൂർദ് ആശുപത്രി അസോസിയേറ്റ് ഡയറക്ടർ ഫാ. വിമൽ ഫ്രാൻസിസ്, ലൂർദ് കോളേജ് ഓഫ് നഴ്സിംഗ് പ്രിൻസിപ്പൽ സിസ്റ്റർ റൂഫീന, ലൂർദ് നെഫ്രോളജി വിഭാഗം മേധാവി ഡോ. ബിനു ഉപേന്ദ്രൻ, ലൂർദ് ബിഹേവിയറൽ സയൻസ് വിഭാഗം മേധാവി ഡോ. റിങ്കു തെരേസ എന്നിവർ പ്രസംഗിച്ചു.
