ത്രിപുര നിയമസഭാ സ്പീക്കർ ശ്രീ ബിശ്വ ബന്ധു സെന്നിന്റെ നിര്യാണത്തിൽ കേരള നിയമസഭാ സ്പീക്കർ എ. എൻ. ഷംസീർ അനുശോചിച്ചു.
ജനാധിപത്യ മൂല്യങ്ങളെയും ഭരണഘടനാപരമായ ഉത്തരവാദിത്വങ്ങളെയും കർശനമായി പാലിച്ചുകൊണ്ട് നിയമസഭാ നടപടികൾ നയിച്ച മികച്ച പാർലമെന്റേറിയൻ ആയിരുന്നു ബിശ്വ ബന്ധു സെന്നെന്ന് സ്പീക്കർ പറഞ്ഞു.
നിയമനിർമ്മാണ സഭകളുടെ നിഷ്പക്ഷതയും അന്തസ്സും സംരക്ഷിക്കുന്നതിൽ സ്പീക്കർമാർ വഹിക്കുന്ന നിർണായക പങ്ക് അദ്ദേഹം ഓർമ്മിപ്പിച്ചു. ആ നിലയിൽ ത്രിപുര നിയമസഭയുടെ അധ്യക്ഷനായി സെന്നിന്റെ സേവനം ശ്രദ്ധേയമായിരുന്നു എന്നും അദ്ദേഹം കൂട്ടിച്ചേർത്തു.
ഭരണഘടനാ മൂല്യങ്ങൾ ഉയർത്തിപ്പിടിക്കുന്ന ഇന്ത്യയുടെ പാർലമെന്ററി ജനാധിപത്യ പാരമ്പര്യത്തിന് ബിശ്വ ബന്ധു സെന്നിന്റെ സംഭാവനകൾ വിലപ്പെട്ടതാണെന്നും, അദ്ദേഹത്തിന്റെ വിയോഗം നിയമസഭാ സംവിധാനത്തിന് വലിയ നഷ്ടമാണെന്നും സ്പീക്കർ പറഞ്ഞു.
Photo Courtesy - Google
