06:13pm 20 April 2026
NEWS
ജോർദാൻ കിരീടാവകാശി പ്രിൻസ് ഹുസൈൻ ബിൻ അബ്ദുള്ള ദോഹയിലെത്തി
20/04/2026 04:00 PM IST
nila
ദോഹ: ഔദ്യോഗിക സന്ദർശനത്തിനായി ജോർദാൻ കിരീടാവകാശി പ്രിൻസ് ഹുസൈൻ ബിൻ അബ്ദുള്ള രണ്ടാമൻ ദോഹയിലെത്തി. ഇന്ന് രാവിലെ 11.26-ഓടെ ദോഹ അന്താരാഷ്ട്ര വിമാനത്താവളത്തിലെത്തിയ അദ്ദേഹത്തിന് ഉജ്ജ്വല സ്വീകരണമാണ് ഖത്തർ നൽകിയത്.
ഖത്തർ ആഭ്യന്തര മന്ത്രിയും ആഭ്യന്തര സുരക്ഷാ സേനയായ 'ലഖ്വിയ'യുടെ കമാൻഡറുമായ ശൈഖ് ഖലീഫ ബിൻ ഹമദ് ബിൻ ഖലീഫ അൽ താനിയുടെ നേതൃത്വത്തിൽ കിരീടാവകാശിയെ സ്വീകരിച്ചു. ഖത്തറിലെ ജോർദാൻ അംബാസഡർ സെയ്ദ് മുഫ്ലെ അൽ ലൗസിയും സ്വീകരണ ചടങ്ങിൽ പങ്കെടുത്തു.
മേഖലയിലെ നിലവിലെ രാഷ്ട്രീയ സാഹചര്യങ്ങൾക്കിടയിൽ ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതിന്റെ ഭാഗമായാണ് കിരീടാവകാശിയുടെ ഈ സന്ദർശനം. സന്ദർശന വേളയിൽ അദ്ദേഹം ഖത്തറിലെ ഉന്നത ഉദ്യോഗസ്ഥരുമായി കൂടിക്കാഴ്ച നടത്തും.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
