ന്യൂഡൽഹി: വിദേശ നിയമം ബാധകമാവുകയും, വിദേശ രാജ്യമാണ് ആർബിട്രേഷന്റെ കേന്ദ്രമായി നിശ്ചയിക്കുകയും ചെയ്തിട്ടുള്ള കേസുകളിൽ ആർബിട്രേറ്റർമാരെ നിയമിക്കാൻ ഇന്ത്യൻ കോടതികൾക്ക് അധികാരമില്ലെന്ന് സുപ്രീംകോടതി.
ഒരു അന്താരാഷ്ട്ര വാണിജ്യ ആർബിട്രേഷനിൽ ആർബിട്രേറ്ററെ നിയമിക്കണമെന്നാവശ്യപ്പെട്ടുള്ള ഹർജി സുപ്രീം കോടതി തള്ളി.
കരാറിൽ വിദേശ നിയമവും വിദേശ സീറ്റും തിരഞ്ഞെടുത്ത നിമിഷം മുതൽ, ഇന്ത്യൻ 'ആർബിട്രേഷൻ ആൻഡ് കൺസീലിയേഷൻ ആക്റ്റ്, 1996' പ്രകാരമുള്ള അധികാരം ഇന്ത്യൻ കോടതികൾക്ക് നഷ്ടപ്പെടും.
ആർബിട്രേഷന്റെ അധികാരം നിർണ്ണയിക്കുന്നതിൽ കക്ഷികളുടെ സ്വയംഭരണവും തീരുമാനിച്ച ആർബിട്രേഷൻ കേന്ദ്രവുമാണ് നിർണ്ണായക ഘടകങ്ങൾ.
ആർബിട്രേഷൻ വിദേശത്താണെങ്കിൽ, അതിന്റെ മേൽനോട്ട അധികാരപരിധി (Supervisory Jurisdiction) തിരഞ്ഞെടുക്കപ്പെട്ട വിദേശ രാജ്യത്തെ കോടതികൾക്കായിരിക്കും; ഇന്ത്യൻ കോടതികൾക്കല്ല.
വിദേശ സീറ്റുള്ള ആർബിട്രേഷനുകൾക്ക് ആർബിട്രേറ്ററെ നിയമിക്കാനുള്ള സെക്ഷൻ 11 പ്രകാരമുള്ള അധികാരം ഇന്ത്യൻ കോടതികൾക്കില്ലെന്ന മുൻ നിലപാട് ഈ വിധി വീണ്ടും ഉറപ്പിക്കുന്നു.
