​ദോഹ: ഖത്തർ ഫാദർ അമീർ ശൈഖ് ഹമദ് ബിൻ ഖലീഫ അൽഥാനിയുടെ നിര്യാണത്തിൽ അനുശോചനം രേഖപ്പെടുത്തുന്നതിനായി ഖത്തറിലെ ഇന്ത്യൻ സമൂഹം സംയുക്തമായി അനുശോചന യോഗം സംഘടിപ്പിച്ചു. ഖത്തറിലെ ഇന്ത്യൻ എംബസിയുടെ ആഭിമുഖ്യത്തിൽ ഇന്ത്യൻ കൾച്ചറൽ സെന്റർ (ICC), ഇന്ത്യൻ കമ്മ്യൂണിറ്റി ബെനവലന്റ് ഫോറം (ICBF), ഇന്ത്യൻ സ്പോർട്സ് സെന്റർ (ISC), ഇന്ത്യൻ ബിസിനസ് ആൻഡ് പ്രൊഫഷണൽസ് കൗൺസിൽ (IBPC) എന്നിവയുടെ സഹകരണത്തോടെയായിരുന്നു ചടങ്ങ്. 2026 ജൂലൈ 15 ബുധനാഴ്ച ഐസിസി അശോക ഹാളിലാണ് യോഗം നടന്നത്.
​ഖത്തറിലെ ഇന്ത്യൻ സ്ഥാനപതി എച്ച്.ഇ. വിപുൽ, ഇന്ത്യൻ എംബസി ഫസ്റ്റ് സെക്രട്ടറി ഡോ. വൈഭവ് താണ്ഡലെ എന്നിവർ യോഗത്തിൽ പങ്കെടുത്ത് തങ്ങളുടെ ആഴത്തിലുള്ള അനുശോചനം രേഖപ്പെടുത്തി.
​"ഖത്തറിനെ ആധുനികവും പുരോഗമനപരവും ആഗോളതലത്തിൽ ആദരിക്കപ്പെടുന്നതുമായ ഒരു രാഷ്ട്രമായി പരിവർത്തനം ചെയ്യുന്നതിൽ ഫാദർ അമീർ ശൈഖ് ഹമദ് ബിൻ ഖലീഫ അൽഥാനി നൽകിയ സംഭാവനകൾ സമാനതകളില്ലാത്തതാണ്. രാജ്യത്തിന്റെ സുസ്ഥിരമായ വളർച്ചയ്ക്കും അന്താരാഷ്ട്ര തലത്തിലുള്ള കീർത്തിക്കും ശക്തമായ അടിത്തറയിട്ടത് അദ്ദേഹത്തിന്റെ ദീർഘവീക്ഷണത്തോടെയുള്ള നേതൃത്വമാണെന്ന് ഇന്ത്യൻ അംബാസിഡർ 
 വിപുൽ പറഞ്ഞു.ഐ സി സി പ്രസിഡന്റ് എ.പി. മണികണ്ഠൻ, ഐ സി ബി എഫ് പ്രസിഡന്റ്
ഷാനവാസ് ബാവ, 
ഐ എസ് സി 
പ്രസിഡന്റ് 
ഇ.പി. അബ്ദുറഹ്മാൻ,
ഐ ബി പി സി 
പ്രസിഡന്റ്
താഹ മുഹമ്മദ് എന്നിവർ സംസാരിച്ചു.
ഖത്തറിന്റെ അസാധാരണമായ പുരോഗതിക്കും സമൃദ്ധിക്കും വഴിയൊരുക്കിയ ഫാദർ അമീറിന്റെ മഹനീയമായ നേതൃത്വത്തെയും ദീർഘവീക്ഷണത്തെയും പ്രഭാഷകർ അനുസ്മരിക്കുകയും അദ്ദേഹത്തിന്റെ അനശ്വരമായ ഓർമ്മകൾക്ക് മുന്നിൽ പ്രണാമം അർപ്പിക്കുകയും ചെയ്തു.
​ചടങ്ങിൽ ഐസിസി ജനറൽ സെക്രട്ടറി  അബ്രഹാം കെ. ജോസഫ് സ്വാഗതവും ഐസിബിഎഫ് ജനറൽ സെക്രട്ടറി 
ദീപക് ഷെട്ടി നന്ദിയുംപറഞ്ഞു.
ഐസിസി, ഐസിബിഎഫ്, ഐഎസ്‌സി, ഐബിപിസി എന്നിവയുടെ മാനേജിംഗ് കമ്മിറ്റി അംഗങ്ങൾ, അഡ്വൈസറി കമ്മിറ്റി അംഗങ്ങൾ, ഇന്ത്യൻ പ്രവാസി സമൂഹത്തിലെ നിരവധി പ്രമുഖരും സമുദായ നേതാക്കളും ചടങ്ങിൽ സന്നിഹിതരായിരുന്നു.