ദോഹ: 'മനുഷ്യക്കടത്ത് വിരുദ്ധ വിഭാഗത്തിന്റെ സേവനങ്ങൾ' എന്നവിഷയത്തിൽആഭ്യന്തര മന്ത്രാലയം (MoI)
 വെബിനാർ സംഘടിപ്പിച്ചു.
ഖത്തറിന്റെ മനുഷ്യക്കടത്ത് വിരുദ്ധ നിയമപ്രകാരം നിർബന്ധിതമായ തൊഴിലുകൾ ക്രിമിനൽ കുറ്റമാണെന്ന് ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റിലെ ഫസ്റ്റ് ലെഫ്റ്റനന്റ് ഫഹദ് ജാസിം അൽ-മൻസൂരി പറഞ്ഞു.
 ഏഷ്യൻ വംശജരായ ഒരു ബാർബർ ഷോപ്പ് ഉടമയും അദ്ദേഹത്തിന്റെ അക്കൗണ്ടന്റും വ്യത്യസ്ത രാജ്യങ്ങളിൽ നിന്നുള്ള മൂന്ന് തൊഴിലാളികളെ കുറഞ്ഞ വേതനത്തിൽ ദീർഘനേരം ജോലി ചെയ്യാൻ നിർബന്ധിച്ചതിന് കുറ്റക്കാരാണെന്ന് കണ്ടെത്തി. കടങ്ങൾ തിരിച്ചടയ്ക്കുന്നുണ്ടെന്ന് വ്യാജമായി സൂചിപ്പിക്കുന്നതിന് വ്യാജ പ്രോമിസറി നോട്ടുകളിൽ ഒപ്പിടാൻ തൊഴിലാളികളെ നിർബന്ധിച്ചതായും കണ്ടെത്തിയതിനെതുടർന്ന് ഇരുവരെയും അറസ്റ്റ് ചെയ്ത് വിചാരണ ചെയ്തു.അഞ്ച് വർഷം തടവിന് ശിക്ഷിച്ചു, ഓരോരുത്തർക്കും 100,000 റിയാൽ പിഴ ചുമത്തി, ഒരേ തൊഴിലിൽ ജോലി ചെയ്യുന്നതിൽ നിന്ന് വിലക്കി, നാടുകടത്തി, അവരുടെ സ്വത്തുക്കൾ കണ്ടുകെട്ടിയതായും അദ്ദേഹം വ്യക്തമാക്കി.
മനുഷ്യക്കടത്ത് ഏറ്റവും ഗുരുതരമായ കുറ്റകൃത്യങ്ങളിൽ ഒന്നാണെന്ന് ലെഫ്റ്റനന്റ് അൽ-മൻസൂരി ഊന്നിപ്പറഞ്ഞു. 
 പരാതികൾ സ്വീകരിക്കുകയും പരിശോധിക്കുകയും ചെയ്യുക, കേസുകൾ അന്വേഷിക്കുകയും തെളിവുകൾ ശേഖരിക്കുകയും ചെയ്യുക, നിയമനടപടി സ്വീകരിക്കുന്നതിന് അധികാരികളുമായി ഏകോപിപ്പിക്കുക,
ഇരകളെ സുരക്ഷിത അഭയകേന്ദ്രങ്ങളിലേക്ക് റഫർ ചെയ്യുക,
കോടതി വിധികൾ നടപ്പിലാക്കുന്നുണ്ടെന്ന് ഉറപ്പാക്കുക,മികച്ച ഏകോപനത്തിനായി രേഖകളും സ്ഥിതിവിവരക്കണക്കുകളുംസൂക്ഷിക്കുകഎന്നിമാർഗ്ഗനിർദ്ദേശങ്ങളും വെബിനാറിലൂട നൽകി.