ദോഹ: ആഭ്യന്തര മന്ത്രാലയത്തിന് കീഴിലുള്ള പാസ്‌പോർട്ട് ജനറൽ ഡയറക്ടറേറ്റിലെ സെർച്ച് ആൻഡ് ഫോളോ-അപ്പ് വിഭാഗം, സാമ്പത്തിക ക്ലെയിമുകൾ ഇലക്ട്രോണിക് ആയി അടയ്ക്കാനുള്ള പുതിയ സേവനം ആരംഭിച്ചു. മന്ത്രാലയത്തിന്റെ വെബ്‌സൈറ്റ് വഴിയും മെട്രാഷ് (Metrash) ആപ്പ് വഴിയും ഇനി മുതൽ പണമടയ്ക്കാം.
ഫീസുകൾ, പിഴകൾ, യാത്രാ ടിക്കറ്റ് ചെലവുകൾ എന്നിവ വളരെ എളുപ്പത്തിൽ അടയ്ക്കാൻ ഈ സേവനം ഉപഭോക്താക്കളെ സഹായിക്കുമെന്ന് ആഭ്യന്തര മന്ത്രാലയം എക്‌സ് (X) പ്ലാറ്റ്‌ഫോമിലൂടെ അറിയിച്ചു.മെട്രാഷ് ആപ്പിലോ മന്ത്രാലയത്തിന്റെ വെബ്‌സൈറ്റിലോ പ്രവേശിക്കുക.
'Security' വിൻഡോ തിരഞ്ഞെടുത്ത്
'Financial Claims' എന്നതിൽ ക്ലിക്ക് ചെയ്തശേഷം
'Personal' അല്ലെങ്കിൽ 'Establishment' ഓപ്ഷനുകളിൽ ഒന്ന് തിരഞ്ഞെടുക്കുക.
അടയ്ക്കാനുള്ള തുക (ഫീസ്‌, പിഴ, ടിക്കറ്റ്) തിരഞ്ഞെടുത്ത് 'Records' ക്ലിക്ക് ചെയ്ത് തുക നേരിട്ട് അടയ്ക്കാവുന്നതാണ്.
ഡ്രൈവിംഗ് ലൈസൻസ് ലഭിക്കുന്നതിനുള്ള നിബന്ധനകളും മന്ത്രാലയം വ്യക്തമാക്കിയിട്ടുണ്ട്.
