സ്ത്രീകൾക്ക് സാമ്പത്തിക സുരക്ഷയും ആരോഗ്യ പരിരക്ഷയും ഉറപ്പാക്കിക്കൊണ്ട് കാനറാ ബാങ്ക് പുതിയൊരു സേവിങ്‌സ് അക്കൗണ്ട് അവതരിപ്പിച്ചു, 'കാനറാ എയ്ഞ്ചൽ' (Canara Angel) അക്കൗണ്ട്. ഈ അക്കൗണ്ടിന്റെ മുഖ്യ ആകർഷണം, ഇന്ത്യയിൽ ആദ്യമായി പ്രീമിയം ഇല്ലാതെ ലഭിക്കുന്ന സൗജന്യ കാൻസർ ഇൻഷുറൻസ് ആണ്.
ഈ അക്കൗണ്ട് തുറക്കുന്ന വനിതകൾക്ക് 3 ലക്ഷം രൂപ മുതൽ 10 ലക്ഷം രൂപ വരെ കാൻസർ ചികിത്സയ്ക്കുള്ള കവർ ലഭിക്കും. അതുകൂടാതെ, 8 ലക്ഷം മുതൽ 26 ലക്ഷം രൂപ വരെയുള്ള അപകട മരണ ഇൻഷുറൻസും, ഭർത്താവിന് 2 ലക്ഷം രൂപയുടെ അപകട മരണ ഇൻഷുറൻസും, 4 ലക്ഷം രൂപയുടെ എയർ ആക്‌സിഡന്റ് ഇൻഷുറൻസും ഈ അക്കൗണ്ടിനൊപ്പം ലഭ്യമാണ്.

ആർക്കൊക്കെ അക്കൗണ്ട് തുറക്കാം?

70 വയസ്സ് വരെയുള്ള സ്ത്രീകൾക്ക് 'കാനറാ എയ്ഞ്ചൽ' അക്കൗണ്ട് ആരംഭിക്കാനാകും.
മറ്റ് ആനുകൂല്യങ്ങൾ
 * സൗജന്യ പ്ലാറ്റിനം എ.ടി.എം. കാർഡ്.
 * ബാങ്ക് ലോക്കർ ഉപയോഗിക്കുന്നതിന് വാർഷിക ഫീസ് ഇല്ല.
 * ബാങ്കിന്റെ മറ്റ് സേവനങ്ങൾ കൂടുതൽ എളുപ്പത്തിൽ ലഭ്യമാകും.

നിലവിൽ കാനറാ ബാങ്കിൽ സേവിങ്‌സ് അക്കൗണ്ടുള്ള വനിതകൾക്ക് ഈ ഇൻഷുറൻസ് ആനുകൂല്യങ്ങൾ ലഭിക്കാൻ എത്രയും വേഗം 'കാനറാ എയ്ഞ്ചൽ' അക്കൗണ്ടിലേക്ക് മാറണമെന്ന് ബാങ്ക് അധികൃതർ അറിയിച്ചു.
അക്കൗണ്ട് ആരംഭിക്കാൻ, രണ്ട് ഫോട്ടോ, ആധാർ കാർഡ്, പാൻ കാർഡ് (ഉണ്ടെങ്കിൽ) എന്നിവയുടെ ഒറിജിനലും കോപ്പിയുമായി അടുത്തുള്ള കാനറാ ബാങ്ക് ശാഖയെ സമീപിക്കാവുന്നതാണ്. ഉപഭോക്താക്കളുടെ സൗകര്യാർത്ഥം, ബാങ്ക് ഉദ്യോഗസ്ഥർക്ക് വീട്ടിലെത്തിയും അക്കൗണ്ട് തുറക്കുന്നതിനുള്ള സഹായങ്ങൾ നൽകും.
വൈവിധ്യമാർന്ന സുരക്ഷാ, ഇൻഷുറൻസ് ആനുകൂല്യങ്ങളോടെ, കുടുംബത്തിന്റെ സൗഖ്യത്തിന് ഒരു പുതിയ ഉറപ്പാണ് 'കാനറാ എയ്ഞ്ചൽ' അക്കൗണ്ട് നൽകുന്നത്.