ദോഹ: ഖത്തറിലെ സ്വദേശികൾക്കും താമസക്കാരായ പ്രവാസികൾക്കും വ്യക്തിഗത ആവശ്യങ്ങൾക്കായി നേരിട്ട് വാഹനങ്ങൾ ഇറക്കുമതി ചെയ്യുന്നതിനുള്ള നിബന്ധനകൾ അധികൃതർ വ്യക്തമാക്കി. വാണിജ്യ വ്യവസായ മന്ത്രാലയത്തിന്റെ സർക്കുലർ പ്രകാരമുള്ള ഉപഭോക്തൃ സംരക്ഷണ നിയമങ്ങളും, നിയമവിദഗ്ദ്ധർ നൽകുന്ന നിർദ്ദേശങ്ങളുമടങ്ങിയതാണ് വാഹനങ്ങൾഇറക്കുമതി ചെയ്യാനുള്ള മാനദണ്ഡം.
ചെറിയ/ഇടത്തരം കാറുകൾനിർമ്മാണ വർഷം ഉൾപ്പെടെ 5 വർഷത്തിൽ കൂടുതൽ പഴക്കമുള്ളതാകരുത്.മണ്ണുമാന്തി യന്ത്രങ്ങൾ (Excavators)10 വർഷത്തിൽ കൂടുതൽ പഴക്കമുള്ളവയും ഇറക്കുമതി ചെയ്യാം.ഇറക്കുമതി ചെയ്യുന്ന വാഹനങ്ങൾ നിർബന്ധമായും ജി.സി.സി (GCC) മാനദണ്ഡങ്ങൾക്ക് അനുസൃതമായിട്ടുള്ളതായിരിക്കണം.അപേക്ഷകന് കുറഞ്ഞത് 18 വയസ്സ് പൂർത്തിയായിരിക്കണം.
ഖത്തർ പൗരനോ അല്ലെങ്കിൽ സാധുതയുള്ള ഖത്തർ ഐഡിയുള്ള (QID) താമസക്കാരനോ ആയിരിക്കണം.
സന്ദർശക വിസയിൽ (Visitor Visa) ഖത്തറിലുള്ളവർക്ക് സ്വന്തം പേരിൽ വാഹനം ഇറക്കുമതി ചെയ്യാനോ രാജ്യത്ത് രജിസ്റ്റർ ചെയ്യാനോ അനുമതിയുണ്ടായിരിക്കില്ല.ഉപഭോക്തൃ സംരക്ഷണ നിയമപ്രകാരം (Law No. 8 of 2008) വ്യക്തികൾ നേരിട്ട് ഇറക്കുമതി ചെയ്യുന്ന വാഹനങ്ങൾക്കും കമ്പനി ഏജന്റുമാർ കൃത്യമായ സേവനങ്ങൾ ഉറപ്പാക്കേണ്ടതുണ്ടെന്നും പുതിയ നിർദ്ദേശങ്ങളിൽ പറയുന്നു.
