കൊച്ചി: ജീവിതത്തെ തകർക്കുന്ന രാസലഹരിഉൾപ്പെടെയുള്ള ലഹരി വസ്തുക്കൾക്കെതിരേ ബോധവൽക്കരണവുമായി അഖിലൻ്റെ സൂത്രവാക്യം എത്തുന്നു. ചിത്രത്തിൻ്റെ പ്രിവ്യൂ ഷോ ഞായറാഴ്ച കാലത്ത് 9 ന് കോഴിക്കോട് കോറ ണേഷൻ തിയേറ്ററിൽ നടക്കുമെന്ന് സംവിധായകൻ സുധി അറിയിച്ചു. അഖിലൻ എന്ന കേന്ദ്ര കഥാപാത്രത്തിൻ്റെ ജീവിതത്തിലൂടെ വർത്തമാന സമൂഹത്തിൻ്റെ നേർ ചിത്രം വരച്ചുകാട്ടുകയാണ് അഖിലൻ്റെ സൂത്രവാക്യം എന്ന ചിത്രത്തിലൂടെ സംവിധായകൻ സുധി.
വൺ ടു വൺ മീഡിയ ബാനറിൽ കെ.പി. എം ഭരതൻ ചെറുവറ്റ നിർമ്മിച്ച ചിത്രത്തിൽ സുരേഷ് കെ രാമനും ഐശ്വര്യയുമാണ് കേന്ദ്ര കഥാപാത്രങ്ങളായി എത്തുന്നത്. വിനോദ് കോവൂർ, മധു ശ്രീകുമാർ, പ്രകാശ് പയ്യാനക്കൽ, രവിശങ്കർ, അലി അരങ്ങാടത്ത്, ഷിബു നരിക്കുനി, ശെൽവൻ കോഴിക്കോട്, നജീബ് കീഴരിയൂർ, വിനീത് തിക്കോടി,ജിഷ, ശാലിനി നായർ തുടങ്ങിയവരും അഭിനയിക്കുന്നു. ക്യാമറ എഡിറ്റിംഗ് രാജേഷ് രത്ന, കഥ,തിരക്കഥ സംഭാഷണം സുരേഷ് കെ രാമൻ - രാജേഷ് രത്ന, ബി ജി എം സുധിൻ കെ വേണു. സംഗീതം പ്രത്യാശ് കു മാർ, സുധി, ഗാനരചന സുധി . ആർട്ട് സത്യൻ നമ്പ്രത്ത്കര. മേക്കപ്പ് പ്രബീഷ് കാലിക്കറ്റ്, ഡിസൈൻ - മനോജ്.
